Komisioni Europian parashikon të prezantojë më 27 maj propozimin për planin e rimëkëmbjes për ekonominë europiane zhytur në recesion nga pandemia. Lajmi komunikohet nga disa zyrtarë të përfshirë në projekt.

“Presidentja e Komisionit Europian, Ursula von der Leyen thirri sot një takim me të gjithë komisionerët europianë, të lutur të ishin të pranishëm fizikisht në selinë e institucionit në Bruksel”, tha një burim pranë der Leyen.

Prezantimi i këtij plani, objektivi i të cilit është mobilizimi i të paktën 1 000 miliardë euro, ishte njoftuar fillimisht nga Von der Leyen për më 6 maj. Ajo u detyrua ta rishikojë njoftimin dhe burimet po flasin që prezantimi i këtij plani do të bëhet në fund të majit, më 27 ose 28 maj.

“Komisioni Europian ka nevojë për kohë”, u shpreh së fundi përfaqësuesi i një prej grupeve më të mëdha politike, duke e akuzuar der Leyan se po kërkon të përjashtojë Parlamentin./ata