Shoqata shqiptaro-amerikane “Duart e Hapura” në New York ka dërguar në Shkodër një sasi ndihmash humanitare për të mbështetur familjet në nevojë, në këtë periudhë të vështirë të krijuar nga pandemia COVID-19.
Pjesë e ndihmave janë edhe disa karroca për personat me aftësi të kufizuara. Ndihmat po shpërndahen në fshatin Grudë e Re të Shkodrës, ku jetojnë në kushte të vështira mjaft familje. Familjet e ndihmuara deri tani janë rreth 100 thuhet nga meshtari i zonës. Ai shprehet se vështirë ka qenë edhe për atë, kur njerëzit shkonin dhe u kërkonin ushqim dhe ktheheshin me duarbosh. Ndihmat ndoshta do të sjellin një frymë pozitive për këta banorë.
