Marrëdhënia Shqipëri-Greqi dhe anasjelltas ka qenë gjithnjë një marrëdhënie “tërhiqe mos e këput”, ndër vite. Shumë thonë se grekët i ndihmuan shqiptarët pas viteve ’90 dhe i futën në shtëpi, por këta të fundit bënë akte që nuk i ka hije një vendi fqinj.
Konfliktet këto 31 vite demokraci janë zbutur pas marrëdhënies jo të mirë në kohën e Komunizmit, mirëpo “gërricja” ka vite që ka filluar, dhe jo pas viteve 1990. Janë plot 6831 shtëpi të djegura nga grekët në 190 fshatra të Jugut të Shqipërisë në vitet 1913-1914.
Mirëpo të lëmë pas historinë dhe të fokusohemi te një sondazh i realizuar nga Fondacioni për Shoqërinë e Hapur në Shqipëri, mbi perceptimin e qytetarëve të dy vendeve për marrëdhënien midis Shqipërisë dhe Greqisë. Sondazhi është organizuar me 2328 qytetarë ngda Shqipëria dhe Greqia.
Shqiptarët dhe grekët nuk e shohin njeri-tjetrin si kërcënim, madje shumica e shqiptarëve nuk shohin asnjë shtet si kërcënim. Nga ana tjetër, grekët e shohin veten e tyre të kërcënuar nga Turqia. Shqiptarët konsiderojnë si miq të mirë SHBA dhe Gjermaninë, ndërsa grekët Francën dhe BE në tërësi. Shqiptarët kanë mendim pozitiv për Kosovën, Italinë dhe Turqinë, ndërsa grekët për Francën, Izrael dhe Serbinë.
Shqiptarët kanë mendim më të mirë për grekët se sa kanë grekët për shqiptarët. Problemi më i madh i shqiptarëve lidhur me grekët duket të jetë ndarja e zonave detare dhe çështja Çame, ndërsa për grekët këto dy çështje nuk kanë shumë rëndësi.
Për më shumë ndiqni video më poshtë:
Shqiptarët dhe grekët nuk i konsiderojnë emigrantët si kërcënim, madje mendojnë se fëmijët e emigrantëve janë totalisht të integruar në shoqërinë greke. Ata bien dakord se grekët i kanë ndihmuar emigrantët, por dhe emigrantët shqiptarë kanë dhënë ndihmesë në ekonominë greke. Por të dy kombet nuk bien dakord sa i takon çështjes së minoritetit grek në Shqipëri. Shqiptarët dhe grekët e shohin njeri-tjetrin si njerëz punëtorë dhe familjarë, por më pak si të ndershëm.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
