Mbahet sot në Tiranë Samiti i Grave të Biznesit, aktivitet i organizuar nga Fondi Shqiptar për Zhvillimin e Diasporës dhe Dhoma e Biznesit të Diasporës.
Aktiviteti organizohet në dy seanca: “Lidershipi i gruas në Biznes” dhe “Sfidat e Gruas Sipermarrëse të Diasporës në Situatë Pandemie”.
Takim bën bashkë, gra sipërmarrëse të Diasporës shqiptare dhe të vendit tonë, profesioniste të reja, gra akademike dhe eksperte në fushën e biznesit, përfaqësues të institucioneve shtetërore, si dhe të organizatave ndërkombëtare, veçanërisht ato të cilat në programet e tyre kanë zhvilluar objektiva, lidhur me gratë dhe zhvillimin e tyre në fushën e biznesit dhe sipërmarrjes.
Samiti synon prezantimin e sfidave gjatë periudhës së pandemisë, përvojave dhe modeleve të suksesshme të grave sipërmarrëse. Gjithashtu dhe mundësitë e investimeve të reja si dhe krijimin e rrjetëzimit dhe nxitjen e bashkëpunimit mes tyre.
Hapja e aktivitetit do të bëhet nga Ardian Lekaj, kreu i Dhomës së Biznesit të Diasporës dhe në panelin e përshëndetjes së samitit janë ministri i Shtetit për Diasporën, Pandeli Majko, ministrja e Financave dhe Ekonomisë, Anila Denaj dhe ministri i Shtetit për Mbrojtjen dhe Sipërmarrjen, Eduard Shalsi.
Samiti i parë i grave të Biznesit është mbajtur në janar të vitit të shkuar.
Axhenda e aktivitetit:
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.