Talenti i ri shqiptar Sefedin Xhemaj që jeton në Austri vazhdon të shkëlqejë në programin e mirënjohur “The Voice Kids of Germany 2021”. Talenti 15-vjeçarë është zgjedhur në çerek finale, duke ju afruar në këtë mënyrë finales së madhe.

Mediat gjermane në Berlin i kanë dedikuar një artikull të riut shqiptarë i cili në puntatën e radhës ka mahnitur jurinë dhe publikun me interpretimin e himnit “New York”.

“Sefedin, jo vetëm që shkëlqeu me talentin e tij në këndimin e himnit të New York-ut, por edhe në aftësinë e tij si reper. Trajnerja e tij Stefanie vlerësoi faktin se Sefedin është gjithmonë në kërkim të një sfidë, duke zgjedhur rrugën më të vështirë. Për këtë arsye trajnerja e ka zgjedhur Sefedinin në raundin e radhës duke e çuar në këtë mënyrë një hap drejt finales”, shkruan meinbezirk.at.

“Kam nisur të këndoi kur kam qenë 6 vjeç me kushërirat e mia, madje improvizonim “The Voice” në shtëpi. Një mësues i imi në shkollë, më dëgjoi duke kënduar dhe më pyeti nëse doja të këndoja në një festival në shkollë dhe aty ka qenë eksperienca e ime e parë në skenë para 2 vitesh. Më pas nga ai moment kam marrë mësime në muzikë. Dua Lipa dhe Ava Max janë këngëtaret shqiptare që e inspirojnë dhe tregon se kur lëvizin me makinë me familjen dëgjojnë më shumë muzikë shqip,” u shpreh Sefedin Xhemaj javë më parë për mediat shqiptare.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.