Studiuesi Ilir Ikonomi paraqiti të dielën në Toronto për lexuesin shqiptar në Kanada, librin e tij biografik “Apostulli”, kushtuar klerikut, shkrimtarit dhe politikanit Theofan Stilian Noli, i cili ka qaenë një personalitet i shquar i Shqipërisë dhe i komunitetit shqiptaro – amerikan nga fillimi i shekullit të kaluar.
Gazetari i njohur i Radio Tiranës(seksioni i gjuhës kinezçe) dhe për tre dekada i Zërit të Amerikës, Ilir Ikonomi, i cili ka shkruar deri tani një gamë të gjerë librash historikë për disa nga figurat më të rëndësishme shqiptare, pas Nju Jorkut, Bostonit e Detroitit çoi edhe në Toronto biografinë kushtuar Fan Nolit, njofton bashkësia shqiptare në Kanada në faqen e saj të Facebook-ut.
Autori i cili e përshkruan Fan Nolin si një nga shqiptaret më të ditur dhe më interesant që ka ekzistuar ndonjëherë, thotë se shqiptarët e Kanadasë ishin të interesuar simbas pyetjeve të tyre që të dinin për Fan Nolin e vërtetë, të pa lustruar dhe të pa ideologjizuar.
Ikonomi thotë se bashkëbisedimi me lexuesin e këtij komuniteti i ka lënë përshtypje të pashlyera ngase ai e vlersonë atë komunitet si mjaft intelektual:
” Rrëfimi i së vërtetës është pasioni im. Mendoj se retushimet dhe shtrembërimet vetëm sa i bëjnë qesharake figurat historike. Ne duhet të mësohemi me këtë, kemi nevojë të heqim dorë nga hipokrizia.”
Ai thotë se disa nga pyetjet kishin të bënin me vëllimin e dytë të biografisë së Nolit për të cilin autori tregojë se po punon, prandaj u përpoq t’u jap përgjigje me aq sa ishte e mundur.
Ky është njoftimi i tij i plotë në paraqitjen e librit me shqiptarët e Kanadasë:
Të shtunën mbrëma e sollëm “Apostullin” në Toronto. Shfaqëm dokumentarin “Ëndrra e Fan Nolit”, pastaj diskutuam gjatë për librin.
Mu bënë shumë pyetje, të lehta e të vështira. Njerëzit donin të dinin për Fan Nolin e vërtetë, të pa lustruar dhe të pa ideologjizuar.
Rrëfimi i së vërtetës është pasioni im. Mendoj se retushimet dhe shtrembërimet vetëm sa i bëjnë qesharake figurat historike. Ne duhet të mësohemi me këtë, kemi nevojë të heqim dorë nga hipokrizia.
Disa nga pyetjet kishin të bënin me vëllimin e dytë të biografisë së Nolit për të cilin po punoj, prandaj u përpoqa t’u jap përgjigje me aq sa ishte e mundur.
U mblodhëm në një nga ato sallat klasike, tip katedrale në qendër të Torontos, ku e vjetra qëndron hijshëm krahas modernes. Ndjeva përnjëherësh se atmosfera i shkonte si jo më mirë “Apostullit”.
Faleminderit shoqatës shqiptare të Kanadasë ACDA – Albanian Canadian Development Alternative që punoi me përkushtim për aktivitetin dhe Albanian Canadian Civic League që ndihmoi për organizimin e përsosur. Faleminderit albanianyouth e Torontos. Ju të gjithë meritoni respekt. E them sinqerisht.
Ishte kënaqësi të njihesha me dy shqiptarë të mirë të diasporës, Rudin Dakli dhe Nador Bakalli. Ata janë dy specialistë të nderuar, sejcili në profesionin e vet, që gjejnë kohë për t’u marrë me kauza fisnike për komunitetin. Ata rrezatojnë kulturë.
Kureshtja për figurat historike mbetet e gjallë dhe shqiptarët e Torontos janë një dëshmi e mirë se njerëzit nuk kanë hequr dorë nga leximi.
Sot kthehem në Uashington me përshtypje të pashlyeshme. Do vij përsëri, Toronto!
![](https://scontent.ftia1-1.fna.fbcdn.net/v/t39.30808-6/448095610_478627384849279_1882364932384546057_n.jpg?stp=dst-jpg_s600x600&_nc_cat=103&ccb=1-7&_nc_sid=5f2048&_nc_ohc=nmJ3QaPr53MQ7kNvgHT1zLB&_nc_ht=scontent.ftia1-1.fna&oh=00_AYBhooUhhE9qqCW1KcQKOviUw5OgVuxq1jdXX3nrcgUBjA&oe=666D5948)
![](https://scontent.ftia1-1.fna.fbcdn.net/v/t39.30808-6/448089006_478627421515942_7914842708795674423_n.jpg?stp=dst-jpg_s600x600&_nc_cat=104&ccb=1-7&_nc_sid=5f2048&_nc_ohc=Zy6k5cMOtWAQ7kNvgEG46Of&_nc_ht=scontent.ftia1-1.fna&oh=00_AYAs3dUnxRCx4QC_lvrRkFV3rParWxpPTakwtjcLH_7USQ&oe=666D51BE)
![](https://scontent.ftia1-1.fna.fbcdn.net/v/t39.30808-6/448095019_478627514849266_6119131689485639956_n.jpg?stp=dst-jpg_s600x600&_nc_cat=104&ccb=1-7&_nc_sid=5f2048&_nc_ohc=0UeN1O4xRScQ7kNvgGuzflE&_nc_ht=scontent.ftia1-1.fna&oh=00_AYCM18SaYpaOdwdGHNiPZq2GnL4I8XqT0UyAYFSr7DHytQ&oe=666D3F33)
![](https://scontent.ftia1-1.fna.fbcdn.net/v/t39.30808-6/448107559_478627668182584_6178961734716923878_n.jpg?stp=dst-jpg_s600x600&_nc_cat=101&ccb=1-7&_nc_sid=5f2048&_nc_ohc=eOQMxeHEPpYQ7kNvgGgl-L5&_nc_ht=scontent.ftia1-1.fna&oh=00_AYCL2eYeBFh8toFLFrcfrQPkGZhhufeU3N3djq5feuWGeA&oe=666D2F12)
![](https://scontent.ftia1-1.fna.fbcdn.net/v/t39.30808-6/448043358_478627471515937_2964024880942902452_n.jpg?stp=dst-jpg_s600x600&_nc_cat=108&ccb=1-7&_nc_sid=5f2048&_nc_ohc=VzTwcKQbcs8Q7kNvgHk6PIG&_nc_ht=scontent.ftia1-1.fna&oh=00_AYDexWUWRTQ9VobsRJuZKqBkos8KapPjk4YyOc1NG6x6lA&oe=666D2985)