Policia e Kantonit të Gjenevës gjatë një konference për shtyp për krimin e organizuar ka prezantuar statistikat për vitin 2023, zhvillimet e përgjithshme në krim, si edhe perspektivat dhe projektet e policisë për vitin 2024. Për të bërë këtë bilanc para gazetarëve ishin Kolonel Monica Bonfanti (komandante) e Policisë Kantonale, znj. Carole-Anne Kast, Këshilltare Shtetërore përgjegjëse për Departamentin e Institucioneve dhe Çështjeve Dixhitale, Ricahrd Boldrini, shef i Policisë Juridike, dhe Luc Broch, zv.komandant i Policisë.
Në konferencë u theksua se niveli i ulët i numrit të vjedhjeve në Gjenevë gjatë 2023 është historik. Kantoni i Gjenevës nuk ka regjistruar kurrë aq pak vjedhje sa në vitin 2023. Shifra është pak nën pragun e 3000. Një statistikë e jashtëzakonshme që nga viti 1985, viti i regjistrimit të parë të vjedhjeve në Gjenevë, tregoi të hënën policia.
Ricahrd Boldrini, shef i Policisë Juridike tha se tregtarët e drogës nga Shqipëria nuk banojnë ligjërisht në Zvicër. Pyetjes së gazetës Le Canton27.ch. rreth imazhit të shqiptarëve në Kantonin e Gjenevës duke qenë se numri i tyre arrin në rreth 40 mijë ai ju përgjigj duke thënë se krimi i organizuar në kantonin e Gjenevës drejtohet nga persona nga Ballkani. Sa i përket komunitetit shqiptarë në kantonin e Gjenevës, ai ka shtuar se shqiptarët kanë një imazh shumë të mirë.
“Mendoj se imazhi i shqiptarëve në Kantonin tonë, qoftë ata nga Kosova apo Shqipëria, është shumë i mirë sepse këta njerëz janë punëtorë, dhe janë integruar prej disa brezash. Nga ana tjetër, tregtarët e drogës nga Shqipëria nuk banojnë ligjërisht këtu. Prandaj nuk duhet të bëjmë asnjë shkrirje” tha z. Boldrini.
Pyetje se ku shkojnë paratë e fituara nga droga dhe se cili është destinacioni i tyre Boldrini ju përgjigj: “Për sa i përket pastrimit të parave, është jashtëzakonisht e vështirë të gjurmosh fillin e trafikimit, sepse ne mund të financojmë gjëra të ndryshme: pasuri të trashëgimisë, parti politike, veprimtari kriminale të të gjitha llojeve…”.
Këshilltarja Shtetërore, Carole-Anne Kast shtoi se “Qëllimi i një organizate kriminale është para së gjithash të pasurohet. Dhe ajo ka mënyra të ndryshme për t’u pasuruar… “.
Ndërsa kolonel Monika Bonfanti tha se “shqiptarët në vendin tonë janë punëtorë, të vyeshëm dhe të integruar mirë…”.
Pyetjes se a ekziston bashkëpunimi me policitë e Kosovës dhe të Shqipërisë për të luftuar krimin e organizuar ata ju përgjigjën duke thënë se mbajnë marrëdhënie të privilegjuara edhe me Kosovën dhe Shqipërinë, si dhe me shumë vende të tjera. Krimi kibernetik është një problem, ndërsa krimi i drogës është gjithashtu një çështje rrjetesh dhe kontakte. “Ne kuptuam se rrjeti i partnerëve të policisë është vendimtar. Prandaj, policia duhet të marrë përgjegjësinë për këtë mjedis të ri. Për këtë arsye, kemi trajnime për brigada të specializuara. Krimi i organizuar, si në fushën kibernetike apo në fusha të tjera, ka gjithmonë burime të mëdha se policia!” përfundoi z. Ricahrd Boldrini, shef i policisë juridike.
