Sot mbushen 25 vjet nga fillimi i sulmeve ajrore të NATO-s kundër caqeve ushtarake e policore të Serbisë dhe Malit të Zi. Urdhrin për fillimin e fushatës bombarduese e kishte dhënë presidenti i Shteteve të Bashkuara të Amerikës, Bill Clinton.
Sipas NATO-s, operacioni kërkonte të ndalonte abuzimet me të drejtave të njeriut në Kosovë, dhe kjo ishte hera e parë që organizata përdori forcën ushtarake pa miratimin e Këshillit të Sigurimit të OKB-së.
Sulmet ajrore zgjatën nga 24 marsi 1999 deri më 10 qershor 1999. Emri i operacionit zyrtarisht nga NATO ishte Operation Allied Force (Operacioni Forcave Aleate).
Ndërhyrja e NATO-s u nxit nga krimet për spastrimin etnik të shqiptarëve. Vendet e NATO-s u përpoqën të merrnin miratimin e Këshillit të Sigurimit të OKB për veprime ushtarake por u kundërshtuan nga Ina dhe Rusia. Ndërsa NATO nisi ndërhyrjen pa këtë miratim duke deklaruar se ishte një ndërhyrje humanitare.
Serbët kishin vrarë mbi 2 mijë njerëz dhe kishin shënjestruar dhe popullsinë civile të Kosovës.
Më 20 mars 1999 misioni vëzhgues i OSBE-së u tërhoq nga Kosova duke folur për një përkeqësim të vazhdueshëm të situatës së sigurisë dhe më 23 mars 1999, Richard Holbrooke u kthye në Bruksel dhe tha se bisedimet e paqes kishin dështuar.
Sekretari i përgjithshëm i NATO-s, Javier Solana tha se kishte udhëzuar Komandantin Suprem të Aleatëve në Europë (SACEUR), gjeneralin Uesli Klark “për fillimin e operacioneve ajrore në Republikën Federale të Jugosllavisë”, duke i dhëë fund kështu në qershor të 1999 luftës në Kosovë. Nëntë vite më pas, më 17 shkurt 2008 Kosova shpalli Pavarësinë e saj.
