Në Vjenë me rastin e 7 Marsit, Ditës së Mësuesit, nxënësit e mësimit të gjuhës shqipe, të mësueses Miradije Berisha, festuan në një mënyrë pak sa më të veçantë me pranin e shkrimtarëve shqiptarë të “Lidhjes së Shkrimtarëve dhe Krijuesve Shqiptarë” “Aleksandër Moisiu”, z. Anton Markut dhe znj. Violeta Allmuça në Vjenë.

Nxënësit u ndjenë shumë të emocionuar dhe të befasuar, sepse ishte një frymë e re e sjellë dhe e dedikuar për mësuesit.

“Nxënësit” ishin gjithnjë fjala kyçe, sepse ata janë e ardhmja dhe nxitësit e krijimit të çdo feste dhe organizimi.

Mësuesja e gjuhës shqipe znj. Berisha me kreativitetin e saj zgjodhi të bënte diçka krejt ndryshe, ku nëpërmjet  artit, të jepte një mesazh: “Edhe pse jetoni në mërgim, mësoni të flisni dhe shkruani shqip”.

Përmes letërsisë, nxënësit në diasporë u lidhën fort me librin shqip, gjuhën amtare. Me më të ëmblën gjuhë, e cila solli tematika të ndryshme letrare ne orën e takimit.

Jo vetëm znj. Berisha dhe nxënësit u ndien krenar në këtë festë, por edhe shkrimtarët ndjenë një krenari dhe emocion të thellë, sepse gjithçka frymonte shqip. U pa një shpresë dhe një dritë që gjuha e bukur shqipe do të fuqizohet edhe me poetë të rinj. Zëri i tyre i butë, tregonte që do të bënte jehonë gjithmonë në mbajtjen gjallë të gjuhës më të ëmbël në botë.

Në gjirin e këtyre vogëlushëve, mësuesja Miradije Berisha, mbolli në mënyrën më të mirë dashurinë e pastër për atdheun, me një delikatesë, duke ju dhënë copëza dashurie dhe duke e shkrirë vetën që të burojë nga të vegjlit ndjenjë shqiptari deri sa të kenë jetë brez pas brezi. Urojmë që çdo nxënës në Austri ta provojë këtë ndjenjë si nxënësit e Vjenës dhe të vazhdojë ky projekt!

Nga – Filloreta Berisha Dervishaj