Për udhën 30 vjeçare të shkronjave shqipe në Ängelholm të Suedisë dhe rritjen e shkollës shqipe folën mësuesit: Xhevat Isufi e Florinda Fejza. Mësues këta që rrugëtuan me shkronjat dhe gjuhën e ëmbël të Naimit, jetësuan integrim, mbëltim dhe kultivim të gjuhën, kulturës dhe traditën tonë të bukur shqipe, mësues këta që aplikuan mësimin digjital, metodat dhe programet më bashkëkohore për mësimdhënie dhe mësimnxënien, mësues këta që realizuan 15 ekskursione mësimore në ATDHE, mësues këta që iniciuan, realizuan bashkëpunimin institucional në mes të institucioneve shkollore të komunës së Ängelholmit dhe institucioneve shkollore të Republikës së Kosovës duke realizuar vizita studimore me shkollat e vendlindjes, rreth 40 shkolla patën kënaqësinë të vizitojnë komunën e Ängelholmit.
Fjala e plotë me rastin e 30 vjetorit te shkollës shqipe në Änhelholm nga mësuesit: Xhevat Isufi dhe Florinda Fejza
Të nderuar të pranishëm, të dashur nxënës, prindër, veprimtar e arsimdashës të shkronjave shqipe, mësimit shqip, gjuhës e kulturës shqipe, gjuhës së shqiptarëve, gjuhës së shqiponjave gjuhës së ëmbël të Naimit kemi kënaqësinë e veçantë t´ju urojmë gëzuar këtë event kulturoro-arsimor të 30 vjetorit të shkollës shqipe , rrugëtimin dhe mbëltimin e shkronjave shqip rritën dhe zhvillimin e këtij fanari drite e dije larg vatrave tona stërgjyshore, larg gjuhës kulturës tonë të bukur shqipe pra URIME e Gëzuar!
Në këtë rrugëtim të përbashkët me nxënës, prindër, veprimtarë e institucione arsimore në Ängelhol e Atdhe bëmë përpjekje titanike për ta mbajtur të gjallë e në jetë gjuhën, kulturën dhe identitetin tonë kombëtar dhe integrimin e nxënësve tanë të cilët sot janë krenaria jonë dhe shtetit suedez. Po ata nxënës sot janë doktor shkencash, avokat, mjek inxhinier, ekonomist e shumë mësues që sot punojmë së bashku.
Përvjetori i tridhjetë i shkollës shqipe në Ängelholm dhe vepra ”Guri i rëndë peshon në vend të vet”- Monografi e shkollës shqipe në Angelholm të Suedisë e autorit Nuhi Gashi hedh dritë mbi rrugën dhe zhvillimit e mësimit të gjuhës shqipe larg Atdheut, larg vatrave stërgjyshore, dëshmojnë për përpjekjet atdhetar të mësuesve, prindërve dhe intelektualëve shqiptarë në ruajtjen e gjuhës , kulturës dhe identitetin e tyre kombëtarë. Flasin, për përpjekjet atdhetare të mësuesve dhe veprimtarëve të ndryshëm që vepruan në kuadër të shkollës shqipe. Flasin për kontributin e dhënë të mësuesve tanë në Ruajtjen, kultivimin dhe mbëltimin e gjuhës së ëmbël shqipe dhe në bërjen e Shtetit të Kosovës, dëshmojnë për punën fisnike të mësuesve tanë sepse ARSIMI ËSHTË FORTESË E LIRISË, ARMË E DEMOKRACISË, SHPRESË E RINISË, MBURRJA E DJALËRISË DHE GËZIM I SHEKULLIT.
Të flasësh për udhën e shkronjave shqipe e mos të vlerësosh lartë punë intelektuale e pedagogjik të atyre që detyrën e mësuesit nuk e kishin vetëm profesion por edhe mision siç thoshte Cabej i ynë i madh. Ne këtë përvjetor të shkronjave dhe shkollës shqipe i kujtojmë me respekt ata që hodhën dritë e dituri të prirë nga mësuesja e parë Hamide Vllasa, Beqë Shala, Adem e Nesrije Rrukiqi Xhevat Isufi, Qerim Kryeziu Florinada Fejza Zonjë Skënderaj dhe Lumnije Kajtazi. Në këtë komunë të vogël suedeze përveç mësimit të rregullt u realizuan edhe shumë aktivitete të shumta kulturo arsimore si: Kuizet e diturisë, Ekskursionet mësimor në atdhe (15) Vizitat studimore nga Atdheu në Ängelholm të Suedisë. Këto aktivitete kulturore, orë mësimore që ndodhën jashtë bankave shkollore u mbështetën dhe organizuan nga institucionet shkollore suedeze në komuna e Ängelholmit të cilët ishin bashkëoganizator dhe na shoqëruan në të gjitha vizitat në atdhe e nga atdheu.
Ky aktivitet i shkollës shqipe u realizua në bashkëveprim me shumë mësues të gjuhës shqipe , prindër e arsimdashës, asociacione kulturo arsimore si Beqir Sadiku (tash i ndjerë), Osman Ahmetgjekaj, Xhevat Isufi, Sylejman Berisha ,Rashit Berisha, Florinda Fejza, Nuhi Mazreku, Haki Behrami, Rexhep Jashari, Emine Thaqi, Shaban Gashi , Hava Limani, Fexhrie Sylaj, Fatmire Ismaili dhe Xhevrie Bujupi si dhe shoqëritë kulturore me udhëheqësit e tyre; “Okarina” me Bashkim Jasharin dhe “Shqiponjat dardane”‘ me Mustafë Berishën etje . Nxënësit nga Kosova u mirëpritën në familjet shqiptare dhe u shoqëruan në shkollëat suedeze nga moshatarët e tyre. Familjet të cilat duhet veçuar e falënderuar ishin:
Familja e Xhevat Isufit, Nuhi Mazrekut, Bashkim Jasharit, Hasim Ukës, Sylë Shalës (tashmë i ndjerë), Sami Ahmetit, Hajdin Selacit (tashmë, po ashtu, i ndjerë), Rrahman Rrahmanit, Blerim Fejzes, Ibrahim Fejzes, Agim Zenelit, Selatin Sogojevës, Ali Fejzullahut, Qamil Berbatovcit, Nikollë Bardhecit, Lulëzim Idrizit, Hamëz Sopjanit, Agron Budecit, Arben Hasanit, Naim Behlulit, Bujar Tahirit, Ekrem Kodrës etj. shijuan bujarinë e mikpritjen shqiptare edhe në Suedi me dhjetëra nxënës e nxënësve të shkollave të Kosovës
Në Engelholm një plejadë e tërë e prindërve vullnetmirë janë gjendur vazhdimisht në mbështetje të Shkollës Shqipe dhe të veprimtarive të saj. Në të vërtetë ata fillimisht e kanë ndihmuar vetveten, fëmijën e tyre, por jo gjithnjë e jo gjithkund ekziston një qasje e këtillë e emancipuar ndaj shkollës. Emra si Rrahman Rrahmani i njohur me angazhimi e tij shembullore edhe si kryetar i këshillit të prindërve, Muharrem Gjerqeku, Agim Zeneli, Myrvet Rama, Musa Kurti, Hajdin Selaci, Hakif Popova kryetar shumë i suksesshëm këshillit të , Ali Zejnullahu, Lulëzim Idrizi dhe koreografi Ahmet Ahmeti etj. Duhet kujtuar me respekt të veçantë faktin se në vitin 2004, me propozim të mësuesit Xhevat Isufi, prindit Rrahman Rrahmani i jepet çmimi Prindi më i mirë i vitit nga Enti Shkollor i Suedisë, ndërkaq mësuesi Xhevat fiton mirënjohje për punë të shkëlqyeshme në zhvillimin e mësimit të gjuhës amtare për sukseset në organizimin e aktiviteteve të lira.
Të nderuar të pranishëm përveç mësimit të rregullt jan edhe orët mësimore që ndodhën jasht bankave shkollore dhe janë të shumta, pra ato janë ekskursionet mësimore në atdhe të cilat janë pjesa më e mirë në jetën dhe formimin intelektuale kombëtarë të nxënësve, mësuesve e prindërve pjesëmarrës. Nuk ka vend kulturo historik dhe bukuri natyrore të atdheut që nuk e kemi prekur me dorë e shkelur me këmbë së bashku me nxënësit tanë.
Eskursionet mësimore në atdheut të organizuara nga MASHT në bashkëpunim me mësuesit e gjuhës amtare në diasporë kanë një rol dhe rëndësi të veçanta në jetën e fëmijëve tanë mërgimtar në formimin e tyre intelektual e kombëtar, në ruajtjen e gjuhës dhe identitet të tyre kombëtar e shpirtërorë, në kultivimin dhe ruajtjen gjuhës së tyre të ëmbël shqipe siç thoshte Naimi ynë i madh, në ruajtjen e kultivimin e traditë sonë të bukur. E çka jo? Pjesëmarrja në orët mësimore në shkollat e Atdheut dhe mbrëmjet kulturo artistike të përbashkëta, shoqërimi dhe krijimi i lidhjeve tjera përveç atyre familjar ishin për nxënësit tanë mërgimtar një përjetim i veçantë shpirtëror e i paharruar në jetën e tyre mërgimtare larg vatrës, gjuhë e kulturës shqiptare.
Të nderuar bashkombas shekullin që sapo filluam është shekull i mrekullive për shqiptarët sepse përjetuam ngjarje të mëdha historike për popullin shqiptarë si: Pavarësia e Kosovës, antarsimi i Shqipërisë në NATO , Autostradën e cila e bashkoi popullin shqiptarë edhe fizikisht . dhe ngjarje tjera kulturo historike që e trasojnë rrugën tonë si një komb i përbashkët drejt integrimit Evropian .
Pra, dita dhe data e 17 Shkurtit shënon kurorëzimin e përpjekjeve shekullore për liri të popullit të Kosovës. Falënderimi i parë u shkon dëshmorëve, u shkon veprimtarëve të të gjithë brezave të Lëvizjes Kombëtare, i shkon popullit që rezistoi kundër robërisë.Jemi sot këtu për të kujtuar, nderuar veprën madhore të arkitektit të pavarësisë DR. Ibrahim Rugova, heroizmin dhe bëmet e UCK-së në krye me Komandantit legjendar Adem Jashari dhe të gjithë atyre që ranë në altarin e lirisë për Lirinë dhe Pavarësinë e Kosovë.
Të nderuar të pranishëm. Gjithë veprimtarinë time arsimore e atdhetare ia dedikoi prindit tim tash në amshim , veteranit, pishtarit të shkronjave dhe shkollave shqipe në Drenicë Rifat Zenel Isufi dhe tani po flas me ty babë i dashur, jetoj me krenarinë dhe porositë e tuaja brilante , e kam jetësua porosinë tënde që të përgatitem mirë për çdo orë mësimore , ta kryej detyrën e mësuesit si profesion dhe mision në shërbim të ruajtjes dhe mbëltimit të gjuhës e shkronjave shqip. Të faleminderit për gjithçka e në veçanti për porositë tuaj që më ndihmuan shumë në arritjet e mija profesionale në mësimdhënie e mësimnxënie. Një falënderim i veçantë shkon edhe për gruan dhe familjen time znj. Safet Qazim Shatri Isufi të cilët më mbështeten fort e shumë në realizimin e shumë aktiviteteve kulturo arsimore këtu në Suedi e Atdhe.
Duke ju uruar Gëzuar Jubileun e 30 të shkollës dhe shkronjave shqip dhe Pavarësinë e Republikës së Kosovës ju falënderojmë për vëmendje!
Faleminderit për vëmendje !
Mirupafshim në festat dhe gëzimet tona të radhës!
Urime! Gëzuar!
Ängelhol, më 17 shkurt 2024
