Të shtunën, 2 dhjetor, ora 18.00, “Rassegna Incontri Letterari”, organizuar nga Albania Letteraria, në bashkëpunim me Slow Mill, do të presë dy shkrimtarë të jashtëzakonshëm shqiptar Mimoza Hysa  dhe Tom Kuka (Enkel Demi). Takimi, i cili do të zhvillohet në ambientet e Qendrës Kulturore në “Via Volturno 32” në Milano, sponsorizohet nga Konsullata e Republikës së Shqipërisë në Milano. Në dialog me autorët, Anna Lattanzi.

“Shqipëria e djeshme dhe e sotme. Krahasimi i autorëve”. Kështu titullohet manifestimi ku do të shfaqen dy figura të skenës letrare aktuale shqiptare, shumë të ndryshme nga njëra-tjetra, veprat e të cilave, pavarësisht dallimeve që i karakterizojnë, kanë disa pika të përbashkëta. Takimi do të nis nga analiza e librave të shkruar nga secili, “Bijat e gjeneralit” (Hysa), në përkthimin e Durim Tacit, “Ora e së keqes” (Kuka), përkthyer nga Fioralba Duma dhe Valentina Notaro dhe Flama (Kuka), në transpozimi i Valentina Notaros, botuar nga Besa Muci Editore në 2021 dhe 2022, për të treguar më pas për Shqipërinë e kohërave që nuk ekzistojnë më, por që, në një farë mënyre, ende ndikojnë në të sotmen, jo vetëm në evolucionin e saj politiko-shoqëror. por edhe në zakonet, traditat dhe jetën e përditshme.