Dhoma e Biznesit të Diasporës Shqiptar ka nisur ditën e djeshme një seri ciklesh informuese në lidhje me aspekte të rëndësishme të legjislacionit fiskal dhe të taksave të aplikueshme në të bërit biznes në katër shtete Greqi, Itali, Belgjikë dhe Mbretëri e Bashkuar.
“Doing business across borders” janë një seri takimesh online që realizohen në bashkëpunim me Kreston Albania.
Takimi i djeshëm i cili ishte edhe sesioni prezantues ngjalli interes të sipërmarrësit shqiptarë, në troje dhe në Diasporë.
Në fjalën e tij përshëndetëse, kryetari i Dhomës së Biznesit të Diasporës Shqiptare, z. Ardian Lekaj, dhe nënkryetarja e Dhomës, znj. Elisabeta Katiaj, theksuan rëndësinë e të tilla eventeve, jo vetëm për të fuqizuar
bizneset e ngritura nga shqiptarë, por për të nxitur rrjetëzimin e drejtuesve të tyre, për të krijuar mundësi të reja bashkëpunimi. Znj. Ljubica Llukaçej, Partnere Strategjike pranë Kreston Albania dhe moderatore
e eventit, u shpreh se nëpërmjet këtij takimi, Kreston Albania, ka kënaqësinë t’u gjendet pranë bizneseve
të Diasporës me synim informimin e duhur të tyre në lidhje me orientimin për krijimin dhe operimin me sukses të bizneseve jashtë Shqipërisë, kjo mbështetur në përvojën mbi 10 vjeçare të kompanisë në ofrimin e shërbimeve financiare dhe të këshillimit në treg.
Më tej, znj. Llukaçej prezantoi tek pjesëmarrësit, axhendën e eventit, i cili do të zhvillohet ndërmjet datave 05-14 qershor, me pjesëmarrjen e ekspertëve të fushës nga firma të tjera anëtare të Kreston Global, rrjeti i cili renditet në vendin e 13-të ndër rrjetet më të mëdha më të madh të firmave të kontabilitetit në në nivel botëror dhe pjesë e së cilës është edhe Kreston Albania prej dhjetor 2014. Mbështetur në moton e rrjetit “Prezencë globale, Ekspertizë lokale”, znj. Llukaçej e vuri theksin tek një nga aspektet më të rëndësishme të filozofisë së punës pranë Kreston Albania – ndërtimi i marrëdhënieve afatgjata me të gjithë klientët e saj, mbështetur në besim dhe me synimin për t’iu gjendur pranë klientëve në 360 gradë.
Në vijim të fjalës së znj. Llukaçej, u prezantua një material informues rreth “Legjislacionit Tatimor në Shqipëri” ku ekspertja e fushës, znj. Giomela Hitaj (Gjini), bashkëpunëtore pranë Kreston Albania, pas një panorame të plotë të ndryshimeve të ndodhura me futjen në fuqi të paketës së re fiskale u ndal veçanërisht në ndryshimet që priten të ndodhin në legjislacion përsa i përket “Tatimit mbi të ardhurat” dhe “Tatimit mbi fitimin”. Gjithashtu znj. Gjini me synimin për të dhënë një pasqyrë të përgjithshme të legjislacionit tatimor foli gjithashtu rreth “Marrëveshjeve për Shmangien e Taksimit të Dyfishtë” që Shqipëria ka me secilin nga shtetet e sipërpërmendura dhe në fokus të këtij cikli takimesh, një aspekt gjithashtu me shumë interes për anëtarët e dhomës.
