Dhoma e Biznesit të Diasporës Shqiptare ka organizuar fundjavën që lamë pas aktivitetin “Me zemër dhe mendje nga Shqipëria”. I pari aktivitet që Dhoma organzion në Britaninë e madhe dhe që zgjoi shumë interes në komunitetin shqiptar në Londër.
Takimi u hap nga Ardian Lekaj, kryetar i Dhomës së Biznesit të Diasporës Shqiptare i cili falënderoi pjesëmarrësit për interesin e treguar për pjesëmarrjen në këtë takim dhe njohjen me punën dhe veprimtarinë e deritanishme të Dhomës.
Në këtë takim të konceptuar në dy pjesë, në pjesën e parë pati dy panele folësish ndërsa pjesa e dytë ishte një hapësirë për rrjetëzim mes të pranishmeve dhe takime B2B.
Në panelin e parë të diskutimit ishin të pranishëm Ambasadori i Shqipërisë në Britani të Madhe, Z. Qirjako Qirko, deputeti shqiptar, Z.Lavdrim Krrashi, ish-deputeti britanik, z.John Grogan Znj. Brikena Muharremi anëtare e KKD si dhe Znj. Silva Mecaj anëtare themeluese e Dhomës së Biznesit të Diasporës Shqiptare.
Fokusi i këtij paneli ishte ecuria e bashkëpunimit bilateral mes Britanisë dhe Shqipërisë në fushën e ekonomisë pas arritjes së marrëveshjeve bilaterale në mes të dy qeverive si dhe çfarë mund të bëjnë të dy qeveritë për të promovuar angazhimin e Diasporës dhe promovimin e bashkëpunimeve mes bizneseve në të dy vendet.
Në panelin e dytë morën pjesë sipërmarrës që veprojnë në Britani të cilët folën rreth përvojave të tyre në biznes, sfidat me të cilat përballen bizneset në Britani dhe në Shqipëri që e pengojnë bashkëpunimin si dhe mënyrat se si mund të rritet bashkëpunimi.
Dhoma e Biznesit të Diasporës Shqiptare është themeluar më 27 nëntor 2019 në Tiranë dhe ka për qëllim rrjetëzimin e të gjitha bizneseve shqiptare në Diaspore dhe ne atdhe, të promovojë bashkëpunimin mes tyre si dhe të tërheqë investimet e Diasporës në atdhe.
Dhoma fton të gjitha bizneset në Diasporë që të anëtarësohen në mënyrë që të përfitojnë nga shërbimet qe ajo ofron. Për me shume informacion shikoni faqen Dhoma e Biznesit të Diasporës Shqiptare , website www.abdc.al, rrjetet sociale ose dergoni email tek [email protected]
