Më 27 dhjetor 1991 ndërroi jetë shkrimtari, publicisti dhe gazetari Petro Marko.

Ai lindi në Dhërmi, ku edhe kreu shkollën fillore, e më tej të mesmen tregtare në Vlorë më 1932, ku pati mësues dy nga studiuesit më në zë të botës arbëreshe Kolë Kamsin, që ishte edhe drejtori i shkollës dhe Ernest Koliqin, si dhe shumë mësues italianë. Ka patur një jete plot peripeci me angazhime publicistike e politike, me arrestime, burgosje e internime. Ka shkruar në rreth 50 organe shtypi, ndër të cilat i fundit ishte angazhimi në Gazetën Bashkimi të viteve 1945-1947, nga ku pas një kontrolli të befasishëm nga drejtuesit aparatit shtetëror, iu gjetën disa shkrime të cilat u bënë shkak që t’i hiqej e drejta për botim.

Në vitin 1942 Marko ka qenë i internuar në ishullin Ustikë të Palermos, nga ku u frymëzua të shkruante romanin “Nata e Ustikës”. Të tjera vepra të tij janë: “Hasta la vista”, “Qyteti i fundit”, “Një emër në katër rrugë”, “Ara në mal”, “Shpella e piratëve”, “Vepra autobiografike”, “Horizont”, “Fantazma dhe plani 3+4”, “Çuka e shtegtarit”, “Një natë dhe dy agime”, “Stina e armëve”, “Halimi”, “Shpella e pirateve”, “Tregime”, “Gazetari, mbreti e uria”, “Retë dhe gurët”, “Ultimatumi”, “Tregime të zgjedhura”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.