Akademia e Shkencave të Shqipërisë dhe Akademia e Shkencave dhe Arteve të Kosovës shpallën redaksinë qëndrore për krijimin e Enciklopedisë Shqiptare, projekti i tretë madhor, pas fjalorit dhe historisë së Shqipërisë.
Afati për përfundimin e saj është së paku pesë vjet. Duke analizuar disa nga vështirësitë u bë me dije se kjo enciklopedi do të përqëndrohet në hapësirën mbarëshqiptare, duke paraqitur të vërtetën tonë në mënyrë shkencore. Por edhe duke u përballur me enciklopedinë e Malit të Zi apo Maqedonisë së Veriut.
Në praninë e dy kryetarëve, Kryetar i Akademisë së Shkencave të Shqipërisë akademik Skënder Gjinushi dhe kryetar i Akademisë së Shkencave dhe Arteve të Kosovës akademik Mehmet Kraja akad. Shaban Sinani, sekretar shkencor i Akademisë së Shkencave shpalli përbërjen e grupit të punës.
Redaksia qendrore e “Enciklopedisë shqiptare” përbëhet nga këta anëtarë:
Akademik Skënder Gjinushi- Kryetar i ASHSH
Akademik Mehmet Kraja- Kryetar ASHAK
Akademik Dhimitër Haxhimihali- ASHSH
Akademik Rexhep Ismajli – ASHAK
Akademik Marenglen Verli- ASHSH
Akademik Nexhat Daci – ASHAK,
Akademik Shaban Sinani – ASHSH
Akademik Jusuf Bajraktari – ASHAK
Akademik Rauf Dhomi – ASHAK
Prof. dr. Aljula Jubani – ASHSH,
Prof. Valbona Toska – Maqedoni e Veriut
Enciklopedia shqiptare përfshin gjithë hapësirën mbarëshqipëtare në Ballkan dhe diasporat arbëreshe.
Struktura e redaksisë është e përbërë nga strukturat qendrore dhe vendore, ku krahas 11 anëtarëve të redaksisë qendrore të “Enciklopedisë shqiptare” janë ngritur sipas fushave përkatëse 30 redaksi në Shqipëri dhe 30 në Kosovë për hartimin e “Enciklopedisë shqiptare”.
