Në komunën arbëreshe të Frasnitës (Frascineto), Itali më 19 nëntor 2022, në orën 18.00 do të mbahet koncerti i dy artisteve kroate Dina Bušić e Melita Ivković.

Dy muzikantet Dina Buçiq dhe Melita Ivkovici kanë realizuar pak kohë më parë projektin etnomuzikologjik “Bërbili”, nëpërmjet të cilit kanë ripërpunuar një ndër dhjetë këngët pothuajse të harruara të arbëreshëve që migruan nga Liqeni i Skadarit në zonën e Zadarit në fillim të shekullit të XVIII.

Dina dhe Melita kanë arritur të ruajnë të vjetrën dhe në të njëjtën kohë të krijonin diçka unike, duke bashkëpunuar me artistë me përvojë dhe ndjeshmëri të përbashkët muzikore, si Miroslav Tadić, Miroslav Tadić dhe Yvette Holzwarth.

“Bërbili” u regjistrua në vitin 2018 në ishullin Zlarin në bashkëpunim me inxhinierin e tingullit Marin Fulgosi. Audio është përzier nga Jan-Eric Persson, një nga ekspertët kryesorë të tingullit në Europë, dhe u botua nga Nota BENE, Kroaci, në vitin 2020.

Lexo edhe: “Bërbili”, kënga e harruar e arbëreshëve të Kroacisë

Ky koncert organizohet nga Federata e Shoqatave Arbëreshe (F.A.A.) dhe Bashkia e Frasnitës.

Veprimtaria ka në fokus takimin mes arbëneshëve të Zarës dhe arbëreshëve të Frasnitës.

Ky aktivitet sjell më pranë publikut arbëresh, rrënjët e identitetit arbënesh, historinë e së kaluarës dhe të ardhmen e këtyre komuniteteve.