Derisa gjatë shtatorit patëm promovimin e veprave të dy autorëve shqiptarë me prejardhje nga Shqipëria nga të cilët Gjekë Marinaj që jeton në SHBA dhe Arbër Ahmetaj në Zvicër. Ndonëse tubimet e kësaj shoqate nuk sjellin gjithaq pjesëmarrës, por gjithsesi atmosferë të ngrohtë arti dhe miqësie, ku krijues fushash të ndryshme bashkëbisedojnë dhe këmbejnë mendime të ndryshme në lëmin e letërsisë apo edhe shpalosin plane apo edhe vepra të porsabotuara.
Edicioni i dytë i takimeve me emërtimin “Eja me vjeshtën”, që u mbajt të shtunën me 1 Tetor 2022, dhe që e shpalli të hapur kryetari i Shoqatës së Krijuesve Shqiptarë të Zvicrës, poeti Bujar Salihu, pasoi me një mirëseardhje nikoqirja, Suela Jorgaqi, drejtuese e bibliotekës multikulturore “Pestalozzi”, e cila i ka hap dyert për çdo takim krijuesish shqiptarë e të tjerë, me dëshirën që këto takime të bëhen edhe shkas që edhe shqiptarët të anëtarësohen në këtë bibliotekë, derisa aty me qindra libra janë edhe nga radhët e autorëve shqiptarë.
Takimi kishte tërheq edhe krijues nga ditët e para të themelimit të kësaj shoqate, por edhe krijues të ri, madje edhe nxënës, ndaj edhe me këtë rast pos krijuesve që lexuan vargje apo fragmente nga botimet e tyre në prozë, pati edhe recitime vjershash nga fëmijët, çka i dhanë ambient jo vetëm një kolorit por edhe një atmosferë shumë të ngrohtë e freskuese.
Autorët, gjegjësisht poetët që kahmot kanë bërë emër në letrat tona, siç janë Shaip Beqiri, i cili foli për opuin e tij krijues brenda gjysmë shekulli që pret ta botojë, Vaxhid Xhelili, Muharrem Blakaj, Brahim Avdyli, Valdet Berisha, Ilir Xheladini e të tjerë që krahas leximit në poezi apo prozë, folën edhe për botime e tyre apo në rastin e Ilir Xheladinit edhe punën e përkthimeve, si dhe të veprimtarisë së shtëpisë së tij botuese. Punimet apo verat e tyre i prezantuan edhe autoret Shukrije Ramadani, Kimete Dervishi, në pozitën e mysafirit nga Kosova edhe publicisti dhe autori Xhevdet Kallaba, Metush Zenuni, e të tjerë. Të pranishmit i njoftova edhe lidhur me promovimin e librit tim “Arbëreshet- fotosintezë e shpirtit tim”.
Me këtë rast piktorit piktorit Abdusamed Sadriut “Dussit”, kryetari i shoqatës Bujar Salihu ia dorëzoi çmimin “Martin Camaj për pikturë. Për ndarjen e dhembshme nga shkencëtarja e re, Shqiponja Isufi, ligjëruese në Universitetin e St: Gallenit, foli me pietet Konsullja e Republikës së Kosovës në Cyrih, zonja , Shukrije Ramdanai, e cila tha se jemi në pritje të ndriçimit të rrethanave, ndaj edhe varësisht nga to do të veprohet si komunitet.
