“Kalfayan Galleries” në bashkëpunim me Galerinë “Peter Kilchmann” do të çelin ditën e nesërme ekspozitën personale të Adrian Pacit me titull “POPOLODISENZAPAROLA” (fjalët e njerëzve).
Në këtë ekspozitë të dytë personale në Galerinë Kalfayan, Adrian Paci fokusohet në fuqinë dhe rolin socio-politik të ‘gjuhës’. Ai paraqet një seri të re skulpturash qeramike si dhe qilima të rinj të endur prej leshi. Këto të fundit janë thurur në tezgjah nga një komunitet artizanal i grave i krijuar në vitet 1990 në Shkodër. Ekspozita shënon edhe prezantimin e parë të një vepre në dru që rrjedh nga tradita ikonografike. Kjo vepër i shtohet serisë shumështresore të veprave të bazuara në gjuhë të krijuara për ekspozitën në Athinë. Motivi mbizotërues në skulptura dhe qilima i referohet dizenjove të artistit bazuar në faqet nga fletoret që i përkisnin Maurizios, një njeriu me sindromën Asperger, i cili vazhdimisht dhe sistematikisht mbante shënime të shkruara me dorë në gjuhën e tij “enigmatike”. Kur një herë e pyetën “pse shkruan?”, Maurizio u përgjigj: “Unë shkruaj sepse kjo është detyra ime” (“Scrivo perché questo è il mio compito”).
Veprat e Adrian Pacit paraqesin një palimpsest shkrimi dhe artistike, një përballje të shenjuesit dhe të shenjuarit, duke pasqyruar një hapësirë vibruese plot sfida, një hapësirë midis asaj që thuhet, asaj që nënkuptohet dhe asaj që ndonjëherë hiqet qëllimisht. Praktika e tij vizuale e shumëanshme ofron një shprehje vizuale që përfshin kuptimin e hapur të fjalëve, kodeve dhe shenjave, komunikimin dhe ndërveprimin mes njerëzve me “zëra” të ndryshëm. Veprat e Adrian Pacit paraqesin një palimpsest shkrimi dhe artistike, një përballje të shenjuesit dhe të shenjuarit, duke pasqyruar një hapësirë vibruese plot sfida, një hapësirë midis asaj që thuhet, asaj që nënkuptohet dhe asaj që ndonjëherë hiqet qëllimisht. Praktika e tij vizuale e shumëanshme ofron një shprehje vizuale që përfshin kuptimin e hapur të fjalëve, kodeve dhe shenjave, komunikimin dhe ndërveprimin mes njerëzve me “zëra” të ndryshëm.
Mbi artistin
Adrian Paci ka lindur në vitin 1969 në Shkodër, Shqipëri. Ka studiuar në Akademinë e Arteve në Tiranë. Ai dha mësim në Shkodër për Histori Arti dhe Estetikë nga viti 1995 deri në vitin 1997, kur u largua me familjen për në Milano të Italisë.
Puna e larmishme vizuale e Pacit përfshin video, fotografi, pikturë, vizatim, skulpturë dhe instalim. Përvojat e tij si mërgimtar zënë një vend qendror në punën e tij. Veprat e tij shpesh i referohen temave të zhvendosjes, ndarjes dhe kujtesës dhe janë formuar nga një simpati emocionale për individin. Artisti i shndërron momentet ekzistenciale të jetës njerëzore në imazhe mahnitëse dhe të përjetshme.
Pasi përfaqësoi Shqipërinë në Bienalen e Venecias 1999 dhe pas ekspozitës së tij në 2005 në MoMa PS1 në Nju Jork, puna e Pacit është prezantuar në mbarë botën në ekspozita të shumta personale duke përfshirë: Muzeu i Artit Haifa, Izrael (2022), Kunsthalle Krems, Austri (2019), Galeria Kombëtare, Tiranë (2019), Salzburger Kunstverein, Salzburg, Austri (2019), Museo Novecento, Firence (2018); MAXXI, Romë (2015); Musée d’Art Contemporain, Montreal (2014), Galeries Nationales du Jeu de Paume, Paris (2013); Kunsthaus Cyrih (2010), Cyrih; Kunstverein, Hannover (2008), Hannover, CCA, Tel Aviv (2008) etj. Veprat e tij gjenden në koleksione të rëndësishme të Muzeve dhe Institucioneve, si ndër të tjera: Fondacioni Solomon Guggenheim, New York, MoMA, New York, Metropolitan Museum of Art, New York, Museum of Contemporary Art, Miami, Center Georges Pompidou, Paris; Fondacioni Louis Vuitton, Paris; Fundaciò La Caixa, Barcelona, Moderna Museet, Stokholm, Kunsthaus Cyrih, Cyrih etj.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
