Petër Prifti, në librin e tij “Biografia e shqiptarëve në Amerikë” në SHBA pohon se nga viti 1906 deri në vitin 1941, janë botuar 53 gazeta e revista të ndryshme.
Meqenëse numri i gazetave dhe revistave është i madh përmendenden dy prej tyre: Gazeta “KOMBI” që është gazeta e parë e shqiptarëve të Amerikës dhe gazetën “DIELLI” që është gazeta më e madhe dhe më jetëgjatë.
Daljen në dritë të gazetës “KOMBI”, Prifti e sjell nga kujtimet e Costandin A. Demo:
-“Gazeta “Kombi” ishte e para gazetë shqiptare që dolli në Amerikë në vitin 1906. Ne u hodhëm përpjetë nga gëzimi. Gazetën e këndonin dhe e shijonin shumë vetë po pajtimtarët ishin të pakët. Brenda një viti gazeta u zu ngushtë nga financat dhe hyri në borxh 485 dollarë. Kjo detyroi Pecin dhe Nolin të vinin në Natick të kërkonin ndihmë. Më së fundi, Kristo Kirka, Andrea Pani, Kol Tromara, Ilo Tromara, Sotir Noke, Ilo Zdruli dhe disa të tjerë mblodhën paratë që duheshin dhe paguan borxhin. Kjo shumë duket fare e vogël sot, po në atë kohë ishte një shumë gjigante, kur marrim parasysh rrogat shumë të vogla që merrnin punëtorët. Më 1909, “Kombi” pushoi së botuari dhe vendin e saj e zuri gazeta “Dielli” e cila botohej në po atë shtypshkronjë dhe me të njëjtat shkronja që botohej “Kombi”. Tre veta përkujdeseshin për botimin e “Kombit”, Peci, Noli dhe një tjetër person i domosdoshëm, Efthim Natsi. Natsi bënte tre punë bashkë: radhiste gazetën, bënte korrektimet dhe punonte shtypshkronjën. Si kjo shtypshkronjë s’kishte gjëkundi mbasi punohej me këmbë. Pikturo në mendjen tënde këtë skenë: Më të djathtë Noli, i cili vinte kartën në shtypshkronjë në mes Thimaqi (Efthimi) i cili punonte shtypshkronjën dhe më të mëngjër Peci i cili kujdesej për gazetën që dilnin të shtypura. Ah, sa të lumtur ishim në atë kohë. S’ka dyshim se kujtimi i asaj kohe gëzon zemrën e njerit prej bashkëpunëtorëve të asaj ortakërie të famshme që rron akoma. Gazeta “KOMBI” në Nr. 1 Viti 1906, kishte si Editor Sotir Pecin dhe bashkëpunëtor Fan Nolin”.

GAZETA “DIELLI“
Gazetë politike, shoqërore, letrare, kulturore, ekonomike që botohej një herë në javë. U themelua prej shoqërisë “Besa- Besën” më 15 shkurt 1909 në Boston. Më 2 maj 1912, u bë organ i Federatës Panshqiptare “Vatra” dhe nisi të dalë dy herë në javë. Më 18 nëntor 1914, nisi të dalë tri herë në javë. Më 9 nëntor 1915 nisi të dalë e përditshme. Redaktor i “Diellit” që më 15 shkurt 1909 ishte Fan Noli. Pushoi se botuari nga 1 korriku deri në tetor të vitit 1910. Nëntor 1910 deri shtator 1911 doli me titullin “Dielli e Flamuri”. Pas muajit tetor 1911 doli përsëri me titullin “Dielli”.
Gazeta “DIELLI”, në vitet në vazhdim ka patur shumë drejtues, por për disa vite po përmend: Fan Noli, Faik Konica, Efthim Natsi, Kristo Floqi, Paskal Aleksi, Koste Çekrezi, Bahri Omari
Zenel Hysen Sulaj, i njohur si Nelo Drizari (1902-1978). Gazetar, gjuhëtar, shkrimtar, piktor. Lindi në Drizar të Mallakastrës. Emigroi në SHBA pas të atit në vitin 1912. Kreu studimet e larta për gazetari në “Columbia University School” të New Yorkut në vitin 1928. Në universitet hapi kurse për mësimin e gjuhës dhe letërsisë shqipe (1932-1939) dhe (1942-1948). Drejtues dhe bashkëpunëtor i “Diellit”. Botoi shumë analiza, reportazhe në gazeta të njohura. Hodhi themelet e transmetimit në gjuhën shqipe te “Zëri i Amerikës” në vitet 1942-1948. Redaktor dhe folësi kryesor i Radio Stacionit “Zëri i Amerikës”. Botoi fjalorët Anglisht-Shqip dhe Shqip-Anglisht pas një pune 33 vjeçare (1934-1957). Gjatë Luftës së Dytë Botërore punoi si shef i Departamentit për Shqipërinë në Zyrën e Amerikës për Informacione të Luftës.

Viti 1921-1922 – Kostë Cekrezi (1892-1959)

Lindi në Ziçisht të Devollit. Mësimet e ulta dhe të mesme i kreu në Korçë dhe Selanik. Studimet e larta i filloi në Selanik në vitin 1913. Në vitin 1914 emigroi në SHBA, ku përfundoi studimet për histori dhe ekonomi në Universitetin e Harvardit. U zgjodh për vite me radhë në organet drejtuese të Federatës “ VATRA” dhe kryetar i saj në vitin 1920. Drejtor i gazetës “DIELLI” në vitet 1915-1916 dhe 1919-1920. Në vitin 1916, botoi në Boston revistën “Illyria” në tri gjuhë anglisht, frëngjisht dhe shqip. Pas kthimit në atdhe, në vitet 1926-1928 botoi gazetën “TELEGRAF” si drejtor e pronar i saj. Në vitet 1920-1932 botoi revistën “ORA”.

Drejtues të “DIELLIT” në disa vite të tjera
Viti 1937-1938 – President Andrea D. Elia.

Sekretar: Mina Luka.
Treasër: Abdul Abaz.
Anëtarë: Shaban Pojani, Hajredin Ceco, Seit Piluri, Yzeir Cangonji.
Anëtarë rezervë: Nicho Grabocka, Shefqet Bënça.
Editor: Nelo Drizari.

Bord: Kosta Issak, Theodhor Kotelli, Hajdar Menkulasi, Refi Gurri.
Viti 1945 – President Vasil Pani.
Sekretar: Gregor Stefo.
Bord: Petër Stafa, Dhimitër Robo, Mehmet Tosun, Kristo Thanas, Vangjel Sotir.

***

1. Kombi, 1906-1909, Boston
2. Dielli, 1909, Boston
3. Flamuri, 1910, Boston
4. Koha, 1911-1920, Jamestown
5. Trumpeta e Krujës, 1911, St. Louis
6. Zër’ i Popullit, 1912-1913, New-York
7. Adriatiku, 1914, Framingham
8. The Albanian Era, 1915-1916, Denver Col.
9. Vullnetari, 1916-1917, Natick
10. Illyria, 1916, Boston
11. Përparimi, 1916-1920, New-York
12. Viosa, 1916, New-York
13. Mprojtja Shqipëtare, 1916, St. Louis
14. Luftëtari i Drejtësisë, 1917, Boston
15. Yll’ i Mengjezit, 1917-1920, Boston
16. Sazani, 1917-1918, Worcester
17. Përlindja, 1917, Framingham
18. Albania, 1918-1920, Chikago
19. Shqipëria, 1918, Waterbury,
20. The Adriatic Review, 1918-1919
21. Indipendenca Shqipëtare, 1918
22. Studenti, 1920, Springfield
23. Drejtësia, 1920, Watertown
24. E Vërteta, 1920-1923, St. Louis, Mo.
25. Independenca, 1920-1921, New-York
26. Studenti, 1921, Boston
27. Shkëndija, 1921-1922, Watertown
28. The Albanian Journal, 1921-1923, Chikago,
29. Fari, 1922, Worcester
30. Dëshira Kombëtare, 1922-1923, Canton, Ohio
31. Mprojtja e Vatrës, 1922, New Bedford,
32. Afërimi 1922-1925, New-York
33. Bota e Re, 1922-1923, Boston
34. Purteka, 1923, Boston
35. Kombi në Rrezik, 1923, Boston
36. Kandil’ i Kuq, 1924-1925, Watertown
37. Immigranti, 1925-1926, Worcester
38. Idealisti, 1926-1927, Boston
39. Republika Shqiptare, 1926, Watertown
40. Revista Letrare, 1927, Watertown
41. Albania, 1921-1931-1933-1940, New-York
42. Lajmet Shoqërore të Shqiptarëve në Amerikë, 1929-1930, Worcester
4.3 Melesini, 1930, Worcester
44. Drejtësia, 1930-1931, Worcester
45. Republika, 1930-1933, Boston
46. Lajmëtari Shqiptar, 1934-1936, Worcester
47. Liberatori, 1934, Boston
48. Bota, 1936-1939, Boston
49. Buletin, 1938, Boston
50. Demokratia, 1938, Boston
51. Drita, 1940, Worcester
52. Liria Shqiptare, 1940, Boston
53. Liria, 1941, Boston