Strategjia e Dhomës së Biznesit të Diasporës Shqiptare për rrjetëzimin, zhvillimi i biznesit shqiptar në Diasporë, prurja e investimeve nga Diaspora dhe promovimi i tyre në vendlindje ishin disa nga temat e diskutuara në takimin e djeshme mes Dhomës së Biznesit të Diasporës Shqiptare dhe Ministrit të Shtetit për Mbrojtjen e Sipërmarrjes znj. Edona Bilali.

Gjatë takimit të mbajtur online u ndanë edhe të dhëna statistikore, studime dhe analiza, informacione të domosdoshme që duhet ti vijnë në ndihmë politikbërjes për iniciativa të matshme dhe efektive.

Pasur parasysh aktivitetin e ngjeshur me fokus sipërmarrjen e Diasporës, të Dhomës së Biznesit ministria Bilali gjatë takimit pohoi edhe mbështetjen e institucionit që ajo drejton për aktivitete të rëndësishme të Dhomës si:

Bright Minds Albania Worldwide Awards

Shape Diaspora Brand

Samiti i Gruas së Diasporës 2022

“Shprehim mirënjohje dhe falenderime për gadishmërinë e Ministres dhe institucionit në mbështetje të iniciativave të Dhomës, të cilat shkojnë në linjë edhe me strategjinë e Ministrisë, sikurse ajo theksoi”, thuhet në njoftimin e Dhomës së Biznesit të Diasporës .

Dhoma e Biznesit të Diasporës Shqiptare është porta e vetme “ONE STOP SHOP” me kosto zero por mbështetje maksimale  për shqiptarët e Diasporës, që dëshirojnë të investojnë apo të bashkëpunojnë me vendin amë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.