Dhoma e Biznesit të Diasporës ka organizuar ditën e sotme me sukses takimin e tretë “Mirëmëngjes Diasporë”. Një aktivitet jo formal i cili po kthehet në një traditë dhe ka për qëllim krijimin e një rrjeti të konsoliduar, biznesesh shqiptare, të huaja nga Diaspora jo vetëm për të komunikuar, por edhe për të diskutuar potencialet e investimeve, vështirësitë, sfidat me të cilat përballen bizneset etj.
Të pranishëm në këtë aktivitet të radhës organizuar nga anëtari i kryesisë së Dhomës së Biznesit të Diasporës z. Gjin Gjoka Administrator i Billion G&G Group ishin edhe përfaqësues nga Universiteti Polis, “Sigal Fondi i pensioneve”, Giz, dhe World Vision.
Kryetari i Dhomë Z. Ardian Lekaj i pranishëm në aktivitet nëpërmjet një lidhje skype nga Belgjika falënderoi gjithë të pranishmit dhe i ftoi të bëhen pjesë e Dhomës së Biznesit të Diasporës.
“Zëri ynë po dëgjohet. Tre vite më parë në Këshillin e Investimeve lancuam idenë e “Albania, The gateway to Southeast Europe. Këtë emërtim së shpejti do ta do ta dëgjoni shpesh në gjithë Shqipërinë. Nuk ka lidhje me faktin që Ballkani do të jetë së bashku, por ne jemi porta për të kaluar në Ballkan jo vetëm fizikisht nëpërmjet porteve por edhe financiarisht” tha ndër të tjera ai.
E pranishme gjithashtu ishte edhe Drejtoresha e Qendrës së Botimeve për Diasporën znj. Mimoza Hysa. Teksa paraqiti punën e bërë nga QBD-ja ajo vuri theksin në nxitjen, mbrojtjen, përhapjen e gjuhës shqipe dhe bashkëpunimin e strukturave të Diasporës. “Nxitja e patriotizmit ekonomik mund të bëhet vetëm nëpërmjet mësimit, njohjes së gjuhës shqipe dhe mbështetjes së shkolla shqipe në Diasporë” theksoi ajo.
Mikpritësi i “Mirëmëngjes Diasporë 3” Gjin Gjoka tha: Të bëjmë diçka të mirë për këtë vend. Ju lutem nuk dua ta dëgjoj në asnjë vend fjalinë Shqipëria nuk bëhet. Shqipëria bëhet, është bërë dhe do të bëhet më mirë. Më besoni pas një dekade të gjithë ju që jeni këtu që jeni pjesë e këtij vendi që ne na bën”
Nënkryetarja e Dhomës së Biznesit znj. Elisabeta Katiaj risolli edhe një here në dukje Patriotizmin Ekonomik, duke e cilësuar jo thjesht si një detyrë diplomatike, por një ndjenjë që duhet ushqyer vazhdimisht. “Ky është misioni i Dhomës për të cilin punohet me zemër” tha ndër të tjera ajo. Duke i falënderuar të pranishmit i ftoi të ndjekin në vijim aktivitete e tjera të Dhomës si Samiti i Grave të Diasporës dhe Mirëmëngjes Diasporë 4 i cili do të zhvillohet më 14 korrik në ambientet e Universitetit Polis.
Ndër bashkëpunëtorët e Dhomës, GIZ nëpërmjet znj. Suela Kalia, prezantoi edhe mbështetjen e radhës që GIZ po i jep Dhomës duke rekrutuar dhe financuar Ekspertin Ndërkombëtar të Projekteve dhe Fundraising.
Gjatë aktivitetit Prof. Asoc. Soana Japullari u dorëzoi pjesëmarrësve në trajnimet Specialist i pagave dhe Foundraising certifikatat përkatëse.
Në fund anëtarja e kryesisë znj. Silva Meçaj, drejtuese e “Silva Studio” njoftojë nisjen në shtator të ciklit të trajnimeve mbi pronat në Bashkëpunim me Dhomën e Biznesit.
Për tu bërë pjesë e takimeve “Mirmëngjes Diasporë”, për tu bërë pjesë e dhomës së Biznesit të Diasporës ose për më shumë informacione të detajuara mund të shkruani në [email protected] ose mund të vizitoni faqen: https://www.adbc.al/
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
