Me qëllimin e përbashkët për të përfshirë më shumë Diasporën në zhvillimet ekonomike e sociale të vendlindjes dhe për tu siguruar mbështetjen e duhur Dhoma e Biznesit të Diasporës dhe Organizata  Germin kanë firmosur një marrëveshje bashkëpunimi. Marrëveshja është firmosur në prani nga Nënkryetarja e Dhomës znj. Elisabeta Katiaj dhe BashkëDrejtori Ekzekutiv, i Germin z. Lirim Krasniqi.

Si dy organiztata të dedikuara plotësisht ndaj Diasporës Shqiptare Dhoma e Biznesit të Diasporës dhe Germin do të koordinohen dhe bashkëveprojnë për krijimin e kushteve të favorshme për zhvillimin dhe efektshmërinë e aktiviteteve të të dyja palëve.

Sipas marrëveshjes për vitin 2022 janë planifikuar të organizohen dy aktivitete të mëdha të përbashkëta me fokus Diasporën dhe sipërmarrësit në Diasporë. Detajet e të cilave do të publikohen së shpejti.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.