Dhoma e Biznesit të Diasporës ka organizuar ditën e sotme me sukses takimin e dytë “Mirëmëngjes Diasporë”. Një aktivitet jo formal i cili synon që të kthehet në një traditë me qëllim krijimin e një rrjeti të konsoliduar, biznesesh shqiptare, të huaja nga Diaspora jo vetëm për të komunikuar, por edhe për të diskutuar potencialet e investimeve, vështirësitë, sfidat me të cilat përballen bizneset etj.

Më herët për Diaspora Shqiptare Kryetari i Dhomës së Biznesit të Diasporës Shqiptare, z. Ardian Lekaj ka shpjeguar se “Mirmëngjes Diasporë” është një aktivitet i rëndësishëm për vendosjen e urave të komunikimit mes shqiptarëve sipërmarrës kudo që ndodhen. “Një komunikim i domosdoshëm jo vetëm për tu njohur por për tu mbështetur, zhvilluar dhe për tu përpjekur të zgjidhim vështirësitë në rrugën e investimeve në Shqipëri” u shpreh Kryetari i Dhomës së Biznesit të Diasporës Shqiptare z. Ardian Lekaj.

Për tu bërë pjesë e takimeve “Mirmëngjes Diasporë”, për tu bërë pjesë e dhomës së Biznesit të Diasporës ose për më shumë informacione të detajuara mund të shkruani në  [email protected] ose mund të vizitoni faqen: https://www.adbc.al/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.