Botohet në Sofje libri “Shkrimtari shqiptar Thoma Kacori në Bullgari: Jeta dhe vepra” (1922–2008), studim monografik, me autorë prof. Russana Hristova-Beylerin dhe Liljana Bejlerin; redaktore Ekaterina Tarpomanova dhe parathënie nga Shaban Sinani.
Botues është katedra e gjuhësisë së përgjithshme, të indoeuropeistikës, sllavistikës dhe ballkanistikës në Universitetin e Sofjes “Shën Kliment Ohridski”.
Libri përmban 280 faqe dhe është përkthyer në shqip nga Russana Hristova-Beyleri, albanologe me veprimtari të gjatë dhe të suksesshme.
Thoma Kacori, shkrimtar, përkthyes, studiues, është figura më e rëndësishme intelektuale shqiptare në Bullgari në gjysmën e dytë të shekullit të kaluar.
Ky libër është botuar në kolanën “Letërsia shqipe / Албанска литература”; “Shkrimtarë shqiptarë / Писатели, албански”.
Në bullgarisht botimi i këtij libri është redaktuar nga studiuesja e njohur e gjuhësisë së krahasuar Ekaterina Tarpomanova, përgjegjëse e katedrës së gjuhësisë së përgjithshme, indoeuropeistikës, sllavistikës dhe ballkanistikës.
Tarpomanova është nominuar për çmimin “Eqrem Çabej” në edicionin e parë të çmimeve të mëdha shkencore që jepen nga Akademia e Shkencave.
Libri kushtuar Thoma Kacorit është vijim i punës së suksesshme të katedrës së shqipes në Universitetin e Sofjes, krahas fuqizimit të studimeve doktorale për albanistikë dhe botimeve të tjera bullgarisht e shqip. Sivjet kjo katedër feston 60-vjetorin e saj.
Versioni online i këtij libri në shqip mund të lexohet në linkun e mëposhtëm:
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
