Pak më shumë se 14 muaj pas fillimit të furnizimeve, TAP transportoi sot gjithsej 10 miliardë metra kub gaz natyror nga Azerbajxhani në Evropë, nga të cilat afërsisht 8.5 arritën në Itali.

Lajmin e ka bërë të ditur vetë TAP-i. Kompania transporton gaz natyror nga fusha e Shah Deniz në sektorin e Azerbajxhanit të Detit Kaspik në Evropë. Tubacioni, 878 km i gjatë, lidhet me Gazsjellësin Trans Anatolian (TANAP) në kufirin turko-grek, kalon Greqinë dhe Shqipërinë dhe Detin Adriatik dhe më pas mbërrin në Itali.

“Ngarkesa prej 10 miliardë metrash kub është një moment historik simbolik, por i rëndësishëm”, tha Drejtori Menaxhues i TAP, Luca Schieppati. “Për sa i përket rritjes së kapacitetit – shtoi Schieppati – ne mund të japim një kontribut duke arritur shpejt shfrytëzimin e plotë të kapacitetit aktual të transportit prej 10 miliardë metra kub në vit, të cilit mund t’i shtojmë një kontribut të mëtejshëm falë kapacitetit të ofruar në afat të shkurtër”. “TAP mund të dyfishojë kapacitetin e tij dhe të zgjerohet në mënyrë progresive, deri në 20 miliardë metra kub në vit, për një periudhë kohore që varion nga 45 në 65 muaj në varësi të kërkesave të marra gjatë fazës detyruese të testit të tregut që po zhvillohet aktualisht, e parashikuar për korrik 2023 “, deklaroi Marija Savova, Shefe e Komercialit të TAP. Megjithatë, Savova parashikoi, kompania “mund të përshpejtojë këtë afat kohor dhe të fillojë fazën detyruese të testit të tregut në vitin 2022, me kusht që të marrë shprehje interesi për një fillim të hershëm në konsultimin publik në vazhdim, në të cilin ftohen të marrin pjesë të gjitha palët e interesuara”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.