“Këto janë kohë të errëta për shkak të një lufte të pakuptimtë dhe brutale, e cila është rikthyer për të trokitur në dyert e Evropës. Pikërisht për këtë arsye ne duhet të sigurohemi që këto të jenë kohë shprese dhe të vazhdojmë të kërkojmë që armët të heshtin. Në të përditshmen tonë në këtë mënyrë ne duam të japim një kontribut, me besimin se kultura dhe paqja shkojnë dorë për dore. Pra, edhe për vitin 2022 kemi vendosur të organizojmë çmimin ndërkombëtar “Gratë për kulturën dhe për paqen – Çmimi ndërkombëtar 2022”, i cili shpërblen tetë gra,  personaliteti i të cilave ka pasur dhe ka mundësi të shprehet në sferat akademike, sociale dhe kulturore të botës, i angazhuar aktivisht në promovimin e veprimeve konkrete për paqen dhe kulturën”.

Kështu e prezanton shkrimtarja dhe poetja Marina Pratici, me origjinë nga Aulla, edicionin e dytë të çmimit “Gratë për kulturën dhe për paqen – çmimi ndërkombëtar 2022”, i konceptuar vitin e kaluar nga vetë Marina Pratici dhe organizuar në bashkëpunim me shoqatën “Toscana Kulturore”,  “Unioni Mundial de Poetas por la Paz y por la Libertad” dhe “Cenacle” ndërkombëtare e arteve dhe letrave “Nëntë muzat”.

Tetë gratë fituese të edicionit të dytë të çmimit: Denata Ndreca (Shqipëri), Elham Hamedi (Iran), Shokhida Yusupova (Uzbekistan), Regina Resta (Itali), Gisela Delucca (Argjentinë), Lily R Baylon (Spanjë) , Lovelyn P Eyo (Nigeri) dhe Donatella Rampado (Itali).

“Është një nder i madh për mua që jam përfshirë në “Gratë për Kulturë dhe për Paqe – Çmimi Ndërkombëtar 2022”, sot më shumë se kurrë.

Faleminderit atyre që ende besojnë në ëndrra, atyre që ende besojnë në parime dhe vlera. Dhe një falënderim të veçantë për Presidenten Marina Pratici – Kandidate për Çmimin Nobel për Paqen – që më vlerësoi të denjë për këtë kurorë” shkruan Ndreca në profilin e saj në facebook.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.