Ditën e djeshme ka dalë nga shtypi botimi i tretë i romanit të suksesshëm “Hani me dy porta” i shkrimtarit shqiptar në Kanada Kristaq Turtulli. “Pas botimit të parë të librit, në vitin 1996, vlerësimit me çmim. Përkthimit dhe botimit në Amerikë në gjuhën angleze në prill të vitit 2009, shitjes e suksesit të saj, si dhe intervista për këtë libër në Zërin e Amerikës më qershor të viti 2009. Dhe, nga kërkesat e shumta të miqve dhe dashamirësve u ndje e nevojshme që libri “Hani me dy porta” të ribotohet për herë të tretë” shkruan autori.
Lexo edhe: Saga e madhe shqiptare sipas Kristaq Turtullit
Kritiku dhe redaktori i librit të botuar në gjuhën angleze Bryan Henry Fox ndër të tjera shkruan për librin: Disa nga mendimet dhe impresionet e specialistëve të huajt letrarë për krijimtarinë e shkrimtarit Kristaq Turtulli
Kur mu dha mundësia të editoja në anglisht romanin “Hani Me Dy Porta”, të shkrimtarit shqiptar Kristaq Turtulli, u shtanga, më mbërtheu ngjarja, përshkrimi me art dhe dashuri të karakterit, stoicizmit të fuqishëm të një gruaje, nëne. Mendoj që karakter të tillë nëne rrallë e gjen në letërsinë botërore. Gjithashtu më magjepsi rrëfimi i mrekullueshëm.
Ndërsa për Mary-Anne Marmorek, zv. Dekane, e York University, Toronto, Kanada shkruan se: “Ngela shumë e befasuar nga romani “Hani Me Dy Porta” i shkrimtarit të talentuar Kristaq Turtulli. Një ngjarje shumë e fuqishme, e spikatur, me karaktere të skalitura bukur me një stil që rrallë e kam ndeshur përgjatë jetës dhe karrierës sime”.
Lexo edhe: “Përroi qante në mesnatë”, Kanuni në optikën e shkrimtarit Kristaq Turtulli
“Romani “Hani me dy porta”, tregon një histori rrëqethese të gjyshes dhe mbesës së vogël. Autori gjithashtu përshkruan grackat e një qeverie totalitare. Një alegori tërheqëse e një bote ndryshe. Autori Turtulli me mjeshtëri të lartë tregon tema të rëndësishme të hipokrizisë së qeverisë. Dhe aspekte pozitive dhe negative të natyrës njerëzore” shprehet Magdi Iskender, Profesor historie, universiteti Aleksandrisë Egjipt.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
