Këtë fundjavë shoqata shqiptare në Gjermani “Dora D’Istria” ka realizuar aktivitetin e fundit për vitin 2021, një bilanc për punën e kryer përgjatë një viti të vështirë.  Në aktivitet morën pjesë kryesisht gra nga Dyseldorfi dhe Neuss së bashku me fëmijë.

“Mysafir nderi ishte Zëvëndës Konsullja nga Konsullata e Republikës së Kosovës, Znj. Arta Selimi, e cila potencoj përkrahjen e aktiviteteve tona e sidomos ato që kanë të bëjnë me emancipimin e femrës në përgjithësi dhe ofroi bashkëpunimin e përhershëm të Konsullatës së Kosovës me Shoqatën dhe me gjithë mërgatën shqiptare” thuhet në njoftimin e shoqatës.

Mirëseardhje të pjesmarrëseve si dhe njohtimin me rendin e ditës e bëri kryetarja e SHFSH “Dora d’Istria” znj.Lindita Kryeziu, ndërsa raportin përmbledhës të punës për gjatë 2021 e prezantoi zv.kryetarja znj. Fitore Berisha.

SHFSH “Dora d’Istria” përgjatë këtij viti ofroi gjithësej 60 shërbime falas nga lëmi të ndryshme si: Sociale,ekonomike, administrative, pedagogjike e shëndetësore, si dhe realizoi tri aktivitete në vitin 2021.

“SHFSH “Dora d’Istria” ishte pjesëmarrëse në:

– Katër takime me tema të ndyshme sociale që u organizuan nga Konsullata e Republikës së Kosovës,

– Darkën e shtruar nga kryebashkiaku Dyseldorfit Z. Stephan Keller për shoqatat e nacionalitetëve të Dyseldorfit,

– Përvjetorin e poetit Azem Shkreli të organizuar nga Lidhja e Shkrimtarëve Artistëve dhe Krijuesve Shqiptarë në Gjermani.

Takime bashkëpunimi me Diakonin vazhduan edhe në këtë vit në mënyrë të rregullt.

Takimi i fundit ishte madhështor ngase fëmijët punuan vet kartolinat e fundvitit në gjuhën shqipe për më të dashurit e tyre në Kosovë.

Pasi ky aktivitet ishte i fundit në këtë vit,në emër të Shoqatës sonë, gjithë shqipëtarëve kudo janë, ju uroj festat e fundvitit” thuhet ndër të tjera në njoftim.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.