Shoqata shqiptare në Itali “Scanderbeg Parma” nëpërmjet një njoftimi në facebook ka deklaruar përfundimin e muajit të kulturës shqiptare. Një maratonë aktivitetesh te cilat janë organizuar nga shoqata.
“Edhe për këtë vit, mbyllim me sukses muajin e kulturës shqiptare. Vazhdojmë me misionin tonë, me aktivitete gjithëpërfshirëse, sepse të ndash, të eksperimentosh e të pranosh atë që nuk njeh, është pasuri. Dhe ne këtë e bëmë:
Nëpërmjet tregimeve të përrallave shqiptare, fëmijëve me nacionalitete të ndryshme, në bashkëpunim me shoqatën Kwa Dunia
Nëpërmjet seminarit dedikuar bilinguizmit “Abitare la lingua” e drejtuar nga Ledi Shamku Shkreli, studiuese në fushën e gjuhësisë dhe docente në Universitetin e Bolonjës.
Nëpërmjet prezantimit të projektit për inaugurimin e bustit të Pinokut, tek parku i liqenit të Tiranës, në bashkëpunim me fondacionin Collodi dhe bashkinë e Tiranës
Nëpërmjet koncertit “Sinfonia di natale” organizuar në bashkëpunim me komunën e Parmës, me këngë lirike të njohura shqiptare dhe mbarëkombëtare, me pjesëmarrjen e artistëve shqiptarë që jetojnë e punojnë në Itali.
Nëpërmjet darkës dedikuar festave kombëtare, ku kemi festuar në shoqërinë e dashamirësve të shoqatës, nën tingujt e muzikës tradicionale shqiptare.
Ju falenderojmë për praninë tuaj dhe ju urojmë Gëzuar festat e fundvitit.
Së shpejti me aktivitete të tjera” thuhet në njoftim.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.