Amfiteatri i Durrësit, është ndër më të rëndësishmit në Ballkan, patjetër një ndër perlat e periudhës së antikitetit.

I ndërtuar në shekullin e II të erës sonë nga perandor Trajani, një ndër më të rëndësishmit. Një projekt i ri për rijetëzimin e tij do të marrë jetë në fillim të vitit 2022.

“Kemi filluar një projekt me AADF dhe ministrinë e kulturës, i cili konsiston në hapjen e figurës së plotë të amfiteatrit. Do të zhvillohet me faza. Faza e parë do të zhvillohet me shtëpitë që ndodhen në zonën e poshtme pranë rrugës dhe më tej do të vazhdojnë me objektet që ndodhen nga Amfiteatri. Gjithashtu ky projekt nuk konsiston vetëm në hapjen e figurës së plotë të këtij monumenti kulture dhe arkeologjik por konsiston dhe në rehabilitimin e gjithë zonës së qendrës së Durrësit”, thotë kryetarja e bashkisë Durrës, Emiriana Sako.

Zona e ndërhyrjes është afërsisht 8 ha. Objektivi kryesor i këtij projekti është t’i japë vitalitet te ri zonës se qendrës historike e cila behet pike takimi dhe grumbullimi natyrale nëpërmjet një seri propozimesh ekonomike, tregtare , shërbimesh si dhe patjetër turistike e kulturore.

“Kjo ndërhyrje do të konsistojë edhe në ndryshimin e funksionimit të konceptit të biznesit. Sot ne aktualisht kemi shërbime kryesisht tregtare ekonomike dhe për të përforcuar funksionimin e tyre dhe ofrimin e tyre ndaj turistëve në një qasje Akoma më të mirë do të realizohet dhe një strukturë TID, e cila do të menaxhojë edhe aktivitete të ndryshme në zonë”, shpjegon Sako.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.