Koniaspor është kthyer në skuadrën surprizë të këtij edicioni në kampionatin turk, pasi pakkush e kishte menduar se në gjysmën e sezonit do të ishte një konkurrente shumë e fortë për të siguruar pjesëmarrjen në Ligën e Kampioneve në edicionin e ardhshëm.

Dhe nëse Koniaspor sot e sheh veten në vendin e dytë në renditjen e kampionatit, padyshim e mirë është edhe e shqiptarëve që ka në përbërje, të cilët me golat dhe asistet e tyre po bëjnë që skuadra të jetë ndjekësja e parë e Trabzonsporit, të shkëputur ne kreun e renditjes.

Në ndeshjen e kaluar, fitoren ia dha Çekiçi me një gol në minutën e 93-të. Sot, në suksesin 3-1 ndaj Hatajaspor, ishte Sokol Cikalleshi protagonist. Sulmuesi ishte si zakonisht titullar në këtë sfidë dhe ndihmoi skuadrën e tij të merret tre pikët duke u bërë protagonist me asistin e golit të avantazhit të përkohshëm 2-1.

Ai uli topin me kokë për Mpoku i cili nuk gaboi me gjuajtjen e tij të menjëhershme duke çuar sferën në rrjetë. Koniaspor më pas e kishte të lehtë të administronte takimin de të merrte tre pikët që e mbajnë të shkëputur në vendin e dytë në renditjen e kampionatit turk.

Paraqitja e Cikalleshit në këtë ndeshje është vlerësuar edhe nga faqet e statistikave dhe sipas “SofaScore”, sulmuesi shqiptar meritonte notën 7,3 për këtë duel.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.