Fëmijët shqiptarë të Prefekturës së Zagrebit, që mësojne gjuhën shqipe, festuan në Qëndrën Kulturore Shqiptare të Zagrebit së bashku me prindërit, gjyshet dhe mësuesen festat e fundvitit. Nxënësve dhe gjithë të pranishmëve iu bashkuan edhe znj. Ilda Poda, bashkëshortja e ambasadorit te Shqiperise, zëvendësja e ambasadorit znj. Alma Kasa, intelektuale shqiptarë e kroatë, anëtarë të komunitetit shqiptar. Programi i mbrëmjes ishte shumë i larmishëm, i përgatitur nga nxënësit nën kujdesin e mësueses së tyre Melita Oreshkoviq, prindërve dhe Shoqatës Teatrore Mërgimtari të Kroacisë. Festuan së bashku duke u argëtuar me recitime të fëmijëve dedikuar festave të Krishtlindjeve dhe Vitit të Ri, recitimin e poetes Đurđica Ramqaj, me përrallat e lexuara enkas për ta nga aktori Leonard Hamitaj.
“Të gjithë u mbodhën rreth sofrës si një familje e madhe dhe shijuan gatime dhe specialitete të guzhinës shqiptare, të përgatitura nga nënat dhe gjyshet duararta, nën tingujt e këngëve të fëmijëve për Krishtlindjet dhe Vitin e Ri. Dhe në fund, fëmijët bashkë me prindërit dhe te ftuarit uruan të gjithë bashkëmoshtarët e tyre dhe bashkëatdhetaret kudo që ndodhen: Gëzuar festat!”, shkruhet ne njoftim.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.