Këtë fundjave Shoqata e Mjekëve Shqiptarë në Gjermani ka realizuar me sukses fushatën e parë të vaksinimit falas në qytetin Gernsbach në Landin Baden-Württemberg.
“Gjatë fushatës dy ditore 18-19 dhjetor u vaksinuan në qendrën provizore në sallën e mundësuar nga Bashkia Gernsbach 650 njerëz. Ndërsa vaksinat falas për këtë fushatë u siguruan nga firma “GoSolution Medical Group”, tha për “Diaspora Shqiptare” kryetarja e shoqatës Dr. Marsela Ceno.
Kjo ishte fushata e pare e vaksinimit falas në terren nga Shoqata e Mjekëve Shqiptarë në Gjermani, ndërkohë që po përgatiten për fushata të tjera vaksinimi falas në qytete të tjera të Gjermanisë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.