Duke filluar nga dita e sotme shqiptarët që hyjnë në Greqi, përveç certifikatës së vaksinimit duhet të kenë edhe test negativ PCR, kryer brenda 72 orëve, përpara udhëtimit ose test të shpejtë antigjenik, kryer brenda 24 orëve para udhëtimit.

Po ashtu të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF (Passenger LocatorForm), në adresën elektronike https://travel.gov.gr, me të dhënat e tyre të kontaktit në Greqi, përpara mbërritjes.

Kjo masë vlen për të rriturit dhe fëmijët mbi 5 vjeç, pavarësisht nga vaksinimi.

Ministria për Evropën dhe Punët e Jashtme tha dy ditë më parë se “pikat kufitare të Kakavijës, Kapshticës dhe Qafë-Botës funksionojnë gjatë 24 orëve. Pika kufitare e Tri Urave funksionon nga ora 08:00 deri në orën 20:00″.

Ky rregull i vendosur nga Ministria greke e Shëndetësisë, vjen si masë për parandalimin e përhapjes së variantit të ri të pandemisë, Omicron”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.