Shoqata e mjekëve shqiptarë në Gjermani do të ofrojë një fushatë vaksinimi falas kundër COVID-19 në datat 18 dhe 19 dhjetor. Vaksinimi do të ofrohet falas në qytetin Gernsbach në Pyllin e Zi, Landi Baden-Württemberg.
Shoqata ka njoftuar se vaksinat që do të bëhen falas janë, Biontech, Moderna dhe Johnson & Johnson. Vaksinimet do të kryhen nga ora 08:00 deri më 18:00 në Festhalle, Gernsbach.
Kjo është një fushatë vaksinimi e cila mbështete nga Bashkia e Gernsbach dhe GoSolution Medical Group.
Të gjithë qytetarët me një adresë në Republikën e Gjermanisë kanë të drejtë të vaksinohen falas me një nga tre vaksinat që disponohen.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
