Poeti i njohur Arben Duka është ndarë nga jeta mëngjesin e kësaj të marte. Lajmin e trishtë e jep kreu i UGSH Aleksandër Çipa. Poeti Duka vuante nga një sëmundje e rëndë dhe sot ka mbyllur sytë përgjithmonë, në moshën 64 vjeçare.
“Lamtumirë Arben Duka! Mirëmbeç Poet i pavdekshëm”, shkruan ai teksa jep lajmin e trishtë.
Arben Duka lind në Labovë të Gjirokastrës. Ka mbaruar Akademinë Ushtarake dhe Universitetin “Aleksandër Xhuvani”.
Është autor i mbi pesëdhjetë vëllimeve poetike të botuara e të ribotuara deri në pesë herë. Është bashkëautor në rreth tre mijë këngë të të gjitha zhanërve duke filluar qysh nga viti 1974.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.