Kukësi është zbardhur nga reshjet e dëborës duke sjellë vështirësi në disa akse rrugore për drejtuesit e automjeteve.
Policia e Kukësit ka bërë një bilanc të situatës më të fundit duke treguar rrugët që janë të bllokuara. Aktualisht i bllokuar është aksi Kukës-Arrën.
Ndërkohë nga Kukës drejt Shëmrisë, Qaf Toblit si dhe nga Bajram Curri në Valbonë dhe Lekbibaj mund të kalohet vetëm me pajisje dimërore.
Njoftimi i policisë
Territori i Qarkut të Kukësit është përfshirë nga reshje bore duke sjell vështirësi në disa akse rrugore për drejtuesit e automjeteve.
Aksi rrugor Kukës -Arrën i bllokuar.
Aksi rrugor Bicaj- Bushtricë-Peshkopi, i kalueshëm me paisje dimërore.
Aksi rrugor Kukës -Shëmri i kalueshëm me paisje dimërore
Aksi rrugor Kukës- Qaf Tobli, Krumë, i kalueshëm me paisje dimërore.
Aksi rrugor Bajram-Curri -Valbonë i kalueshëm me paisje dimërore.
Aksi rrugor Bajram-Curri -Lekbibaj i kalueshëm me paisje dimërore.
Të gjitha akset e tjera rrugore janë të kalueshme.
Shërbimet e Policisë Rrugore të DVP Kukës pavarësisht temperaturave atmosferike të ulëta, ndodhen në shërbim në të gjitha akset rrugore kryesore, për të drejtuar qarkullimin rrugor, me qëllim parandalimin e çdo aksidenti sado i vogël të jetë ai, si dhe për t’i ardhur në ndihmë çdo drejtuesi mjeti që mund të ketë probleme.
Policia e Kukësit ju bën thirrje, të gjithë përdoruesve të rrugës të tregojnë kujdes, të përdorin paisjet dimërore për automjetet, si dhe të respektojnë sinjalistikën
Për çdo problem kontaktoni në nr falas të Policisë së Shtetit 112 !
Policianëshërbimintuaj
Ndërsa reshje të dendura shiu dhe bore kanë përfshirë Qarkun e Dibrës në 24 orët e fundit. Në lartësi mbi 800 metra ka patur reshje dëbore. Trashësia në zonat e thella varion deri në 40 cm. Në Kalanë e Dodës, Lurë dhe Selishtë bora ka kaluar 40 cm. Aksi nacional Peshkopi – Tiranë nga Burreli, kalimi është pa probleme.
Situata e qarkullimit
Aksi Klos – Tiranë nga Rruga e Arbrit, kalimi bëhet me zinxhirë, në by-passin e Qafës së Murrizit.
Aksi Peshkopi – Kala e Dodës – Kukës ka mbi 40 cm borë, kalimi bëhet vetëm me zinxhirë.
Aksi Peshkopi – Draj Reç – Kukës kalimi me zinxhirë.
Aksi Ura e Çerenecit – Steblevë – Librazhd kalimi bëhet me zinxhirë.
Mungon energjia elektrike në njësitë administrative Lurë, Kala e Dodës dhe Sllovë.
Akset e “pushtuara” nga dëbora, autoriteti rrugor shqiptar u bën thirrje drejtuesve të automjeteve të lëvizin me kujdes duke respektuar sinjalistikën rrugore dhe duke reduktuar shpejtësinë. Reshjet e dëborës kanë shkaktuar probleme në Boboshticë-Dardhë km 7-14, Qafë Thanë-Kapshticë, Korçë-Ersekë, Popçisht-Libonik, Qafë Priskë, Mali i Dajtit, Bajram Curri-Valbonë, Kukës-Krum, Qafë Mali-Fierzë, Dedaj-Razëm km i fundit.
“Gjatë natës kanë vazhduar reshjet e shiut dhe të dëborës në të gjithë vendin . Reshje dëbore ka pasur në: Boboshticë-Dardhë km 7-14, Qafë Thanë-Kapshticë, Korçë-Ersekë, Popçisht-Libonik, Qafë Priskë, Mali i Dajtit, Bajram Curri-Valbonë, Kukës-Krum, Qafë Mali-Fierzë, Dedaj-Razëm km i fundit.
Kontraktorët kanë punuar gjatë natës me mjete borëpastruese për pastrimin e rrugës nga bora, shpërndarjen e kripës dhe nga materialet inerte në ato segmente ku kanë vijuar reshjet e shiut Qarkullimi ka vazhduar normalisht.
Drejtuesit e mjeteve të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”, thuhet në njoftim.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
