Dua Lipa u detyrua të anulojë një tjetër koncert pasi vazhdon të vuajë nga laringiti.

Ylli i muzikës shkroi në InstaStory se ajo nuk do të shfaqej në “Jingle Ball” të iHeartRadio Z100, në New York siç ishte planifikuar pasi ajo është në pushim vokal ‘sipas urdhrave të mjekut’, shkruan DailyMail.

Anulimi i koncertit “Jingle Ball” vjen më pak se një javë pasi ajo u shpreh se sa ‘zemërthyer’ ishte që gjithashtu u detyrua të anulonte paraqitjen e saj në “Jingle Ball” të iHeartRadio KIIS FM në Los Angeles për shkak të sëmundjes së saj.

“Siç e dini shumica prej jush, unë aktualisht vuaj nga pezmatimi i fytit dhe kam qenë në pushim vokal sipas urdhrave të mjekut tim”, filloi këngëtarja e hitit “New Rules”.

“Shpresoja për një shërim më të shpejtë, por për fat të keq, jam ende nën mot dhe nuk mund të performoj në ‘Jingle Ball’ iHeartRadio Z100. Jam jashtëzakonisht e zhgënjyer, mezi prisja të nisja sezonin e festave duke performuar në ‘Jingle Ball’ të këtij viti”, shkroi tutje Dua.

Me zemër të thyer, Dua Lipa njofton fansat se është detyruar nga mjeku që ta anulojë koncertin e fundvitit shkaku i problemeve me zërin

“Më vjen shumë keq që nuk do të jem atje për të festuar sezonin me të gjithë fansat e mi, por shpresoj që të shijoni pjesën tjetër të formacionit të mrekullueshëm që shfaqja ka planifikuar për të gjithë ju”.

“Po ju dërgoj dashurinë time të gjithëve!”, tha ajo në përfundim.

Dua fillimisht kishte zbuluar se vuante nga laringiti javën e kaluar teksa shkroi një deklaratë ku tha se ishte ‘zemërthyer’ për të anuluar koncertin e “Jingle Ball” me bazë në Los Angeles dhe tregoi se ishte në ‘pushim vokal për ditët e ardhshme me qëllim që të shërohet plotësisht’.

Laringiti përkufizohet klinikisht si një inflamacion i kutisë vokale (laringut) i cili mund të shkaktohet nga mbipërdorimi, acarimi ose infeksioni.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.