Një punë e vyer dhe shumë e mrekullueshme është bërë nga ana e Bibliotekës Botërore në Stockholm në kryeqytetin e Mbretërisë së bashkuar suedeze, fëmijët e kombeve dhe kombësive që jetojnë dhe veprojnë në ketë vend si dhe në vendin fqinj Norvegji nga tani ata mund të lexojnë literaturë të zgjedhur në gjuhën amtare. E gjithë kjo falë angazhimit dhe punës së palodhur të punonjësve të kësaj biblioteke të cilët kanë arritur që të sigurojnë tituj të shumtë libri në gjuhë të ndryshme.

Tani në Bibliotekën Botërore në Suedi ka mbi 100 libra të rinj për fëmijë dhe adoleshentë në raftin e librave në gjuhën shqipe. Këtu mund të lexoni për “Djalin dhe Tigrin”, “Gjueti diamantesh”, “Katitizi”, “Pesha e dashurisë”, “Valeria-Fakulteti i ëndërrave”, “Uria”, “Vajza e keqe”, “Macoku i lajthitur”, “Histori e Skënderbeut”, “Iliada Lufta e Trojës”, “A di të fishkëllosh Johana”, “Pippi Corapegjata”, për magjistarët dhe shumë e shumë libra të tjerë në Gjuhën shqipe. Unë përmenda vetëm disa nga mbi 100 titujt që mund ti gjeni në raftet e kësaj Biblioteke me renome në Mbretërinë e bashkuar të Suedisë.

E gjithë kjo punë madhore është bërë falë bashkëpunimit të Qendrës Kulturore Shqiptare “Migjeni” në Borås, Bibliotekës Botërore në Stockholm dhe Shtëpisë botuese ”Dituria” nga Tirana në Shqipëri.

Këto libra dhe shumë të tjerë mund t’i gjeni në adresën www.varldensbibliotek.se. Klikoni në raftin shqip të librave!

A njihni dikë që kërkon libra në shqip? Këshillojeni që të kontaktoj Bibliotekën Botërore në Stockholm!

Biblioteka botërore është gjithmonë e hapur dhe gjithmonë e lirë. Ju që jeni në Suedi ose Norvegji mund të lexoni dhe dëgjoni sa herë të doni, dhe sa të doni një libër.

Nga Sokol Demaku

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.