Fillon rrugëtimin Konkursi letrar ndërkombëtar “Vargje për paqen” i organizuar nga Shoqata Kulturore “RDP Eventi” në Mesina të Sicilisë me president Renato Di Pane. Poetja shqiptare Irma Kurti emërohet koordinatore për Shqipërinë. Konkursi gëzon gjithashtu patronazhin e institucioneve të ndryshme si dhe të Enciklopedisë Italiane të Poezisë.

“Është një mundësi mjaft e mirë për të gjithë poetët që banojnë jashtë Italisë të marrin pjesë në seksionin ndërkombëtar të këtij konkursi pasi për këtë seksion (D), nuk duhet paguar ndonjë kuotë për pjesëmarrjen si dhe krijimet mund të dërgohen në mënyrë elektronike” thotë poetja Kurti.

Krijuesit mund të prezantohem me një deri në tre poezi të pabotuara në gjuhën italiane, me tematikë të lirë, ndërsa të gjithë poetët që banojnë në Itali mund të zgjedhin ndër seksionet e tjera me tematikë të caktuar apo të lirë.

Për të tre fituesit e seksionit ndërkombëtar do të jepet një certifikatë me motivim nga juria. Shoqata Kulturore “RDP Eventi”, nëpërmjet Shtëpisë Botuese “RDP Editions”, do të botojë edhe një antologji të konkursit duke përfshirë të gjitha veprat pjesëmarrëse.

Konkursi mbyllet në datën 31 dhjetor 2021.