Shkrimtari i madh dhe njëkohësisht akademiku Ismail Kadare është vlerësuar sot me dekoratën “Kalorës i Madh i Urdhrit të Yllësisë së Frankofonisë dhe dialogut midis kulturave”.

Kjo dekoratë iu dha në mbledhjen e sotme të Asamblesë së Përgjithshme të Frankofonisë, për Europën. Kjo dekoratë iu dorëzua bashkëshortes së tij, Helena Kadare gjatë sesionit të 33-të Asamblesë, e cila u mbajt ditën e sotme në Paralamentin shqiptar.

“Gjatë sesionit të sotëm të Asamblesë Rajonale të Frankofonisë për Evropën u dorëzua titulli “Kalorësi i Madh i Urdhrit të Pleiadës, i Frankofonisë dhe i Dialogut mes Kulturave”, akorduar shkrimtarit tonë të njohur botërisht Ismail Kadare. Ishte një çast mbresëlënës dorëzimi i medaljes zonjës së nderuar, shkrimtares Helena Kadare. Ismail Kadare është Olimpi i kulturës shqiptare, që e ngjiti letërsinë tonë në apogjeun e kulturave botërore”, shkruan Kryetarja e Kuvendit Lindita Nikolla.

Autori i një serë veprash ka qenë disa herë kandidat për çmimin Nobel në Letërsi, ndërsa në janar të vitit 2020, Kadare është vlerësuar nga Presidenti i Francës, Emmanuel Macron me titullin më të lartë shtetëror, ‘Oficer i Madh i Legjionit të Nderit’.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.