Austria ka ndryshuar masat kundër COVID 19 këtë prag krishtlindjesh. Sipas njoftimit më të fundit për rregullat e hyrjes në Austri nga 22 nëntori 2021, vetëm personat plotësisht të vaksinuar, ose me një dëshmi mjekësore që e kanë kaluar Covid-19 dhe janë të shëruar (Vlefshmëria 180 ditë), të moshës 12 vjeç e lart do të lejohen të udhëtojnë nga Shqipëria për në Austri pa pasur nevojë të karantinohen. Ndërsa ndryshon vlefshmëria e certifikatës së vaksinimit e cila reduktohet nga 360 ditë në 270 ditë.

Testi i Antitrupave, si dhe testi antigen për Covid-19 nuk janë më të vlefshëm si dëshmi e një rreziku të ulët epidemiologjik për hyrje

Duke filluar nga 22 nëntori 2021, udhëtarët e pavaksinuar  mund të hyjnë në Austri, por duhet të regjistrohen paraprakisht në formularin Pre Travel Clearance https://entry.ptc.gv.at/en.html , të paraqesin një test negativ të COVID-19 dhe të qëndrojnë në karantinim të detyruar për 10 ditë në një hotel ose vendbanim, me shpenzimet e tyre. Karantina mund të përfundojë pas 5 ditësh me një test negativ.

Vetëm testet PCR (72 orë nga marrja e kampionit) janë të vlefshme.

Duke filluar nga data 19 nëntor 2021, për qytetarët që do të udhëtojnë drejt Austrisë dhe do të qëndrojnë në hotel, apo do frekuentojnë restorante, bare, kinema, teatër, opera, muze etj., apo do të marrin pjesë në aktivitete me më shumë se 25 persona duhet të paraqesin përveç certifikatës vaksinimit, ose shërimit edhe test PCR për Covid-19 të 48 orëve të fundit.

Për informacione më të përditësuara dhe detajuara të hyrjes në Austri, mund të vizitoni Portalin zyrtar të Udhëtimit të qeverisë austriake në Austria.info.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.