Më 16 nëntor të vitit 1979 ka ndërruar jetë albanologu i njohur At Giuseppe Valentini, i cilësuar nga studiuesit si albanologu më i madh i shekullit XX. Përveç vlerave dhe arritjeve që e bënë të njohur ndërkombëtarisht si historian dhe albanolog, ai njihet edhe si një ndër kritikët më të shquar të letërsisë arbëreshe.

“Mund të thuhet pa ndrojë se De Rada qe i pari që arriti t’i bëjë të njohur Evropës ekzistencën e një Shqipërie – Atdhe të heronjve e truall të njerëzve me sentimente fisnike – të denjë për të rrojtur një jetë të tyren krahas të gjithë atyre kombeve që Zoti u ka dhënë një fytyrë, e rrjedhimisht një mision”, shkruante Valentini.

Lexo edhe: At Valentini mjeshtëri i kritikave brilante për letërsinë shqiptare e arbëreshe

Gjithashtu, hulumtoi edhe në veprën e arbëreshit tjetër të madh, Zef Skiroit, duke nxjerrë në dukje frymëzimin e poetit bazuar nga njëra anë në njohjen e thellë të këngëve tradicionale shqiptare dhe nga ana tjetër në traditën klasike të Karduçit, Dantes dhe Naim Frashërit, për të arritur në një formë aq të përpiktë e të lëmuar rime e ritmi e me një mjeshtëri të atillë në përdorimin dhe ndriçimin e vlerës së fjalës, që asnjë poet shqiptar para dhe pas tij s’arriti ta tejkalojë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.