Qendra e Botimeve për Diasporën, në bashkëpunim me Ministrinë e Arsimit dhe Sportit të Shqipërisë, Ministrinë e Arsimit, Shkencës, Teknologjisë dhe Inovacionit të Republikës së Kosovës, Ministrinë për Evropën dhe Punët e Jashtme të Republikës së Shqipërisë, Ministrinë e Punëve të Jashtme dhe Diasporës, të Republikës së Kosovës, prezantoi ditën e sotme tekstin e përbashkët “Gjuha shqipe dhe kultura shqiptare”, Niveli I.
Në pjesën e dytë te takimit për prezantimin e tekstit fitues të përbashkët “Gjuha shqipe dhe kultura shqiptare”, Niveli I, Komisioni i Përbashkët i Shqipërisë dhe Kosovës mori vendim për miratimin e kalendarit paraprak të punës për shpalljen e konkursit për tekstin mësimor për mësimin plotësues të gjuhës shqipe dhe kulturës shqiptare në diasporë dhe në mërgatë me titullin “Gjuha shqipe dhe kultura shqiptare”, niveli 2.
Lexo edhe: Shqipëria e Kosova prezantojnë tekstin e përbashkët për mësimin e gjuhës shqipe
Ky Komision miratoi në mbledhjen e sotme këto pika të kalendarit të punës:
Shpalljen e konkursit për tekstin mësimor për diasporën: janar 2022,
Pranimin e aplikimeve – shtator 2022,
Thirrjen për recensentët – shtator 2022,
Vleresimin e teksteve – tetor 2022,
Miratimin e tekstit mësimor fitues – nëntor 2022.
Referuar VKM-së 756, datë 23.09.2020, “Për funksionimin e Komisionit të Përbashkët të Shqipërisë dhe Kosovës për Miratimin e teksteve mësimore për diasporën”, Qendra e Botimeve për Diasporën mbështet punën e Komisionit duke realizuar funksionin e sekretariatit teknik të këtij komisioni.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.