Në Bibliotekën Kombëtare u çel ekspozita përkujtimore “Zef Serembe (1844-1901)”, në 120-vjetorin e ndarjes nga jeta të poetit arbëreshi Zef Serembe, duke sjellë në vëmendje të lexuesit kontributin dhe veprimtarinë e kulturore të poetit.
Veprat kryesore të arbëreshit ruhen në arkivin e Bibliotekës, si: “Poesie italiane e canti originali” (1883); “Vjersha” (1972); “Poeti i Strigharit” (1977); kolanën e plotë të “Vepra” (1985); “Zonjës madhe perëndeshë Elenës Gjika : canto a Dora d’Istria” (1986); “Poezi të zgjedhura” (1999); “Këngëtari i dashuruar : vjersha të zgjedhura” (2002); “Zotit : këngë shumëmetrike = A Dio : canto polimetrico” (2004), si dhe “Më të bukurës që është në Strigar” (2005). Një vend të veçantë zënë edhe studimet mbi figurën dhe veprën e lirikut arbëresh.
Zef Serembe lindi në Strigar të Kozencës dhe ndoqi studimet në kolegjin e Shën Adrianit, ku pati mësues Jeronim de Radën. Në vitin 1883 botoi vëllimin e parë me vjersha “Poesie italiane e canti originali” dhe gjatë krijimtarisë së tij lëvroi gjerësisht lirikën me tematikë atdhetare, filozofike, shoqërore dhe të dashurisë.
Ekspozita do të qëndrojë e hapur për publikun në Sallën Shkencore të Bibliotekës Kombëtare.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
