Organizata GERMIN do të lançojë një nga programet më të rëndësishme për angazhimin e të rinjve të Diasporës në vendet e origjinës.

“OriginAL”, është programi i cili synon të lidh të rinjtë e Diasporës me vendet amë, do të lançohet me 11 dhjetor 2021.

Për të lançuar këtë project GERMIN dhe Global Albanians Foundation, më 11 dhjetor do të organizojnë konferencë një-ditore ku do te prezantohet programi “OriginAL”

“OriginAL” synon të ofrojë një përvojë edukative dhe kulturore për të rinjtë e Diasporës me qëllim të forcimit të identitetit etnik dhe do të krijimit të lidhjeve afatgjata, veçanërisht me bashkëmoshatarët e tyre në vendet amë. Ky program do të lançohet në konferencën një ditore me të njejtin emër, më 11 dhjetor 2021, e cila do të bashkoj profesionistë, biznese, organizata, aktivistë dhe ekspertë nga diaspora dhe të huaj, për të diskutuar potencialet e angazhimit të të rinjve nga diaspora në vendet amë.

“OriginAL” vjen pas 7 vitesh punë të GERMIN me të rinjtë e Diasporës në projekte të shumta, si dhe aktivitete të cilat kanë mbledhur dhe lidhur mbi 5000 profesionistë të rinj nga diaspora nga 24 vende të botës. Ndërkohë, puna e GAF gjatë 2.5 viteve të fundit ka mundësuar mbi 400,000 dollarë donacione nga diaspora, prej të cilave janë mbështetur 50+ projekte të 35 organizatave lokale në Shqipëri, Kosovë, Mal të Zi, Maqedoninë e Veriut dhe Serbi (Lugina e Preshevës).

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.