“Love (Dashuri) është filmi me të cilin “Albanian -Canadian Association of Calgary” në Calgary do të përfaqësohet në festivalin e filmit europian që do të mbahet në Calgary, Kanada, në datat 6 deri në 14 nëntor.
“Filmin “Love” mund ta shikoni te “Calgary European Film Festival” në “Globe Cinema” dhe online nga 6-14 nëntor. Biletat janë në shitje në www.calgaryeuropeanfilmfestival.ca/2021-films/love/” thuhet në njoftimin e shoqatës.
“Albanian -Canadian Association of Calgary” gjithashtu i bën thirrje komunitetit për vullnetarë ditën e dielë rreth orës 1:30-2:00 pm te Globe Cinema për te ndihmuar para shfaqjes se filmit.
“Për detaje mund te na shkruani mesazh në adresat tona në rrjete sociale facebook ose Instagram. Faleminderit!: thuhet në njoftim.
Filmi “Love” (Dashuri) me regji të Dionis Papadhimitri, në role Genti Kame, Luli Bitri, Rozina Kostani, Olta Gixhari etj portretizon krizën e moshës së mesme të një 40 vjeçari i cili sapo është ndarë nga gruaja, në kërkim të ndryshimit dhe kërkimit të vetes, Geri kthehet në atdhe. Pasi përballet me pasiguritë dhe mungesën e guximit, ai vendos të ndërmarrë hapa të domosdoshëm drejt ndryshimit të jetës së tij, gjë e cila e çon mbrapa në pikën e fillimit.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
