Florian Kamberi duket se po gjen më në fund atë vazhdimësi që kishte kërkuar prej kohësh në një klub. Sulmuesi i përfaqësues shqiptare, i cili prej 2 vitesh pret ende debutimin e tij me fanellën kuqezi, ka gjetur këtë mesjavë golin e radhës në kampionatin anglez të futbollit ku vesh fanellën e Shefilld Uensdi në kategorinë e tretë.

Kamberi ishte titullar në ndeshjen e sotme ndaj Sandërlend dhe tregoi se ka lënë pas problemet fizike që nuk e lejuan të luante me rregullsi në këtë edicion siç do të shpresonte. Për me tepër, në minutën e 39 të sfidës, ai gjeti edhe rrugën e rrjetës duke treguar nuhatje para portës kundërshtare, teksa dyfishoi në ato çaste shifrat për Shefilld i cili më pas mbylli ndeshjen me fitoren 3-0.

Ky ishte goli i dytë për Kamberin, i cili nuk grumbullohet nga përfaqësuesja shqiptare që nga muaji mars. Asokohe lojtari priste të debutonte pikërisht kundër Anglisë, por nuk ia doli dhe pat një krisje mes tij dhe trajnerit Reja. Ky i fundit nuk e ka grumbulluar më sulmuesin, ndonëse në vjeshtën e vitit 2019 insistonte si ai ishte emri i duhur për të ndihmuar sulmin e përfaqësues shqiptare.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.