Komuniteti shqiptarë në Karllovac vazhdimisht organizon manifestime të ndryshme dhe është njëra ndër Bashkësit më aktive në Kroaci.

Dita e dytë e aktiviteteve e nisi para shtatorës së Shën Nënës Terezë, ku në emër të Këshillit të Shqiptarëve në qytetin e Karllovacit dhe Bashkësisë shqiptare në prefekturën e Karllovacit dhe organizata të tjera shqiptare në Zagreb ndër ta edhe ajo e Veteranëve shqiptarë të luftës në Kroaci, vendosën kurora lulesh duke u lutur, nderuar dhe përkujtur një nga figurat më të ndritura të popullit shqiptarë.

Para shtatores së Shën Nënë Terezës, në oborrin e faltorës kombëtare Shën Jozefit (Sv. Josip) në Karllovac, pasi u vendosën kurorat, fjalim rasti mbajti Rektori i kësaj faltore kombëtare, Imzot Antun Sente, udhëheqësja e Departamentit administrativ për veprimtari sociale në Karllovac znj. Drazhenka Sila – Ljubenko, prof. dhe në emër të organizatave shqiptare kryetari i Unionit z. Esad Çollaku, ndër të tjera u tha që në vitin 1978 Shën Nënë Tereza e kishte vizituar këtë shtepi të Zotit, të Premtën e Madhe.

Në vazhdim, në Qendrën kulturore shqiptare u prezentua libri “Frymë lufte“ i autorit Roland Bartetzko i lindur në Gjermani, i cili luftoi vullnetarisht në Kroaci, Bosnje dhe së fundi pjesëtarë i UÇK-së

Promovues i këtij libri ishte Komandant Shkupi (Ferid Berisha) i cili tha që ndihet mirë që është ftuar nga komuniteti shqiptarë në Karllovac dhe që sonte jemi duke folur për librin e bashkëluftëtarit të cilin e kishte takuar në fillim të ardhjes së tij në trojet shqipare, për ta dhënë kontributin e tij për popullin shqiptarë. Në këtë prezentim të librit foli edhe bashkëluftëtari z. Esad Çollaku ku me shumë krenari i ndau disa momente gjatë luftës me Komandant Shkupin dhe Robert Bartetzkon.

Në kuadër të këtyre aktiviteteve ishte edhe ekspozita e fotografive të Luftëtarëve shqiptarë e kroatë gjatë luftës në Kroaci.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.