Arben Bala, njëri nga fituesit e çmimit për aktorin më të mirë festivalin e Kanës i cili mes emocionesh të mëdha kur mori çmimin deklaroi të ndjehet tejet i lumtur, gjithashtu edhe shumë krenar që është shqiptari i parë fitues i një çmimi kaq të madh, duke theksuar se gjithë kjo ndjenjë rrjedh nga fakti i vlerësimit të shumë regjisorëve të mëdhenj, ndaj tij. ”Isha vërtet i befasuar dhe shumë i lumtur. Ky çmim do të thotë gjithçka për mua dhe dëshmon se unë mund të luaj gjithçka, jo vetëm një gangster siç kam bërë për 16 vite. Sigurisht se kam shpresuar për një çmim dhe me marrë një çmim kaq të madh për performancën time në aktrim është absolutisht fantastike”, shprehet Bala.

“Jam praktikuar shumë për këtë rol, kam nisur stërvitjen gjashtë muaj para dhe I kam thënë shokëve që do të shpërblehem për këtë serial. Kur u thirr emri im isha shumë i hutuar dhe nuk mund ta besoja se ishte emri im, për pak sekonda as vetë se kuptova se çfarë po ndodh. Aty ishin të pranishëm shumë aktorë të njohur. Kam kaluar kohë me ta dhe kam biseduar”, thekson Bala.

Arben Bala tregon se gjithashtu është marrë shumë vite me kickbox, por gjithmonë fokusi i tij ka qenë aktrimi. “Jam një person i veçantë sepse arrij ti mësoj gjërat shumë shpejt, ashtu jam i lindur, jam shumë i talentuar në çdo fushë. Jam marrë me sporte të ndryshme që në moshë të vogël dhe kam qenë i suksesshëm. Aktrimi fillimisht ka qenë krejt i rastësishëm, më kanë thirr të marr pjesë në një film dhe në audicione më kanë pëlqyer shumë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.